Abay oblısındağı orman örtine baylanıstı qozğalğan is ayasında jauaptı adamdardıñ barlığı tergeledi. Bas prokurordıñ orınbasarı Jandos Ömiräliev osınday mälimdeme jasadı.

Ömiräliev mırzanıñ sözinşe, Abay oblısındağı orman örtine baylanıstı eki bap – «Eki nemese odan da köp adamnıñ ölimine alıp kelgen ört qauipsizdigi erejelerin saqtamau» jäne «Salğırttıq» boyınşa qılmıstıq is qozğalğan. Qazir eki isti de prokuratura tergep jatır.

Jandos Ömirälievtiñ aytuınşa, osı is boyınşa aldağı uaqıtta Şığıs Qazaqstan oblısınıñ äkimi Danial Ahmetov, Abay oblısınıñ äkimi Nwrlan Wranhaev, bwrınğı tötenşe jağday ministri YUriy Il'in, Ekologiya jäne tabiği resurstar ministri Zülfiya Süleymenova tergeledi.

– Qazir eki isti bas prokuratura tergep jatır. Tergeu ayasında öz mindetine salğırt qarağan, sonıñ nätijesinde äreketi qayğılı oqiğağa sebep bolğan lauazımdı twlğalardıñ barlığı anıqtaladı. Lauazımdı twlğalardıñ äreketine äzirge bağa berilgen joq. Barlığı jauapqa tartıladı, – dedi Ömiräliev.

Abay oblısındağı orman örti saldarınan 15 adam qaza tauıp, 60 mıñ gektar jerdi jalın şarpığan. Ört äli tolıq söndirilgen joq.