Policiya "jurnalisterge şabuıl wyımdastırğan" küdiktini wstağanın habarladı. Bwl turalı Azattıq radiosı jazdı.

Policiyanıñ aytuınşa, küdiktiniñ atı-jöni – Arkadiy Sergeeviç (Maneviç) Klebanov. Qazaqstan azamatı. "Kinäsin moyındağan" küdikti sot sankciyasımen "qamauğa alınğan".

Oğan Qılmıstıq kodekstiñ "qoqan-loqı", "jeke ömirge qol swğu", "bireudiñ mülkin joyu", "bwzaqılıq", "jurnalisterdiñ käsibi qızmetin atqaruğa kedergi keltiru" baptarı boyınşa ayıp tağılğan.

Tergeu kezinde küdikti "şabuılınıñ mänin" birqatar BAQ-qa bwrınnan "qısastığım bolğanınan" dep tüsindirgen. Policiyanıñ boljamınşa, ol "hakerlerdi jaldap", "şabuıldı orındaytındardı" izdegen. "Orındauşılarğa aqını kriptovalyuta arqılı tölep otırğan".

Qazaqstanda şabuılğa wşırağan jurnalisterdiñ keybiri bir kün bwrın özderin policiyağa şaqırıp jatqanın, "tapsırıs beruşimen" kezdestiretinin habarlağan edi. Keybiri barudan bas tartqan.

"Vlast'" basılımı küdikti qazaqstandıq oligarhtıñ jaqını ekenin, ol turalı maqalalar bwrın şıqqandıqtan, onıñ BAQ-qa "öştesui sebebi" belgisiz küyde qalğanın jazdı.

Osı aptada İİM jurnalisterge "şabuıl wyımdastıruşı" wstalğanın, onıñ "tört sıbaylası" anıqtalğanın habarlağan. Beseui de özge eldiñ azamatı dep aytıladı.

Onıñ aldında ministrlik Almatı men Astanada "jurnalisterge şabuıl jasadı" degen küdikpen 18 adam wstalğanın habarlağan.

Qazaqstanda keyingi kezde jurnalisterge şabuıl jiiledi. Şabuılğa wşırağan jurnalister bwl oqiğalar käsibi qızmetimizge baylanıstı dep esepteydi.

  • 22 aqpanda jurnalist Daniyar Moldabekov özin medicinalıq maska taqqan bireu Almatıdağı üyiniñ pod'ezinde wrıp ketkenin habarladı. "5 Qañtar" telegram-arnasınıñ avtorı, Qazaqstandağı narazılıqtar turalı jazatın Moldabekov şabuıldı öziniñ käsibi qızmetimen baylanıstıradı.
  • 20 aqpanğa qarağan tüni Almatıda jurnalist, "Giperborey" YouTube-arnasınıñ avtorı Vadim Boreykomen jwmıs isteytin beyneoperator Roman Egorovtıñ eki avtoköligin bireuler örtep ketti. Egorov zañsız ärekettiñ käsibi qızmetime qatısı bar dep otır. Onıñ aldında Vadim Boreyko belgisiz bireuler päter esiginiñ sırtqı jağına qwrılısqa arnalğan köbik jağıp ketkenin habarlağan.
  • 8 aqpanda Ulysmedia.kz jañalıqtar saytınıñ bas redaktorı Samal Ibraeva Astanada bireuler redakciyağa şiki et pen balalarınıñ sureti salınğan qorap berip jibergenin habarlağan. Ibraeva oqiğanı "qorqıtu" dep bağalağan. Onıñ aldında ol belgisiz bireuler sayttı bwzıp, oğan öziniñ jäne otbası müşeleriniñ jeke mälimetterin jariyalağanın aytqan.
  • 5 qañtarda almatılıq jurnalist Dinara Egeubaeva belgisiz bireuler avtoköliginiñ salonına kirpiş laqtırıp, maşinasın örtep jibergenin habarladı. Egeubaeva mwnday äreketti qastandıq dep sipattadı. Eki künnen soñ Almatı policiyası kämelet jasına tolmağan bes küdiktini wstağanın habarladı. 15, 16 jäne 17 jastağı küdiktiler Elmedia redakciyasınıñ esigin de bwzdı degen küdikke ilingen.
  • 24 aqpanda "Jurnalisterdi qorğau komiteti" (Committee to Protect Journalists, CPJ) Qazaqstan biligin "jurnalisterge şabuıldıñ jaña tolqının" zerttep, kinälilerdi jauapqa tartuğa ündegen.