Qıtay biligi Reseyge Ukrainadağı soğısta qoldanatın qaru beru mäselesin qarastırıp jatır. Barlau derekterine süyengen Amerika ortalıq barlau qızmetiniñ (CRU) direktorı Uil'yam Berns osılay dep mälimdedi. Onıñ sözinşe, alayda Pekin tüpkilikti şeşim qabıldamağan. Berns bwl sözin CBS News telearnasına bergen swhbatında ayttı. Bwl turalı Azattıq radiosı jazdı.

Qıtay Reseyge qaru-jaraq pen oq-däri beruge keliseyin dep jatqanın bwğan deyin Batıs aqparat qwraldarı da, onıñ işinde CNN, Financial Times, Spiegel habarlağan. Ötken aptada AQŞ memlekettik hatşısı Entoni Blinken "Vaşington bwğan qarsı jäne Pekin Mäskeuge qaru berse, saldarı boladı" dep eskertken.

CBS News-tiñ jazuınşa, Djo Bayden men Uil'yam Bernstiñ özi aqpan basında ğana jağdayğa basqaşa bağa bergen. Olar sol kezde Qıtay Reseyge qaru beru ideyasına salqın qaraytının aytqan.

Bernstiñ aytuınşa, qazir AQŞ-ta Qıtay Reseyge qaru-jaraq bergenine dälel joq. CRU basşısınıñ aytuınşa, Amerika biligi keyingi kezde osı taqırıptı qozğap, Qıtaydı qaru beruden bas tartuğa köndiruge tırısıp jatır.

AQŞ bıltır Reseyge Ukrainağa basqınşılıqtıñ saldarı turalı eskertken. Ol kezde Vaşington Vladimir Putindi basqınşılıqtan bas tartuğa köndire almağan edi.