BWW-nıñ Adam qwqıqtarı boyınşa joğarğı komissarınıñ keñsesi Resey şabuılınan keyin Ukrainada adam qwqıqtarı bwzılğan köptegen jağdaylardı anıqtadı. Bwl turalı wyımnıñ bas hatşısı Antoniu Guterriş mälimdedi. Bwl turalı Ortalıq Aziya jañalıqtar qızmeti jazdı.

Jeneva qalasında aşılğan BWW-nıñ Adam qwqıqtarı boyınşa keñesiniñ otırısında söylegen Guterriş Reseydiñ Ukrainağa qarsı agressiyasın ayıptadı. Ol soğıs adamdardıñ ölimine, qayğı-mwñğa, jappay jer audaruğa alıp kelgenin aytıp, beybit twrğındardı zorlau faktisi de bar ekenin jetkizdi.

Jiın barısında Ukrainadağı oqiğalardı zertteu boyınşa komissiya basşısı Erik Mese bayandama jasap, orıs äskerleriniñ soğıs qılmıstarı jöninde köptegen dälelder keltiretinin mälimdedi.

2 naurızda jiında Reseydiñ sırtqı ister ministriniñ orınbasarı Sergey Ryabkov söz söyleydi. Ukrainağa şabuıl jasağannan keyin Resey keñestiñ qwramınan şığarılğanımen bayqauşı retinde jiınğa qatısa aladı.