بۇۇ-نىڭ ادام قۇقىقتارى بويىنشا جوعارعى كوميسسارىنىڭ كەڭسەسى رەسەي شابۋىلىنان كەيىن ۋكراينادا ادام قۇقىقتارى بۇزىلعان كوپتەگەن جاعدايلاردى انىقتادى. بۇل تۋرالى ۇيىمنىڭ باس حاتشىسى انتونيۋ گۋتەرريش مالىمدەدى. بۇل تۋرالى ورتالىق ازيا جاڭالىقتار قىزمەتى جازدى.

جەنەۆا قالاسىندا اشىلعان بۇۇ-نىڭ ادام قۇقىقتارى بويىنشا كەڭەسىنىڭ وتىرىسىندا سويلەگەن گۋتەرريش رەسەيدىڭ ۋكرايناعا قارسى اگرەسسياسىن ايىپتادى. ول سوعىس ادامداردىڭ ولىمىنە، قايعى-مۇڭعا، جاپپاي جەر اۋدارۋعا الىپ كەلگەنىن ايتىپ، بەيبىت تۇرعىنداردى زورلاۋ فاكتىسى دە بار ەكەنىن جەتكىزدى.

جيىن بارىسىندا ۋكرايناداعى وقيعالاردى زەرتتەۋ بويىنشا كوميسسيا باسشىسى ەريك مەسە بايانداما جاساپ، ورىس اسكەرلەرىنىڭ سوعىس قىلمىستارى جونىندە كوپتەگەن دالەلدەر كەلتىرەتىنىن مالىمدەدى.

2 ناۋرىزدا جيىندا رەسەيدىڭ سىرتقى ىستەر ءمينيسترىنىڭ ورىنباسارى سەرگەي ريابكوۆ ءسوز سويلەيدى. ۋكرايناعا شابۋىل جاساعاننان كەيىن رەسەي كەڭەستىڭ قۇرامىنان شىعارىلعانىمەن بايقاۋشى رەتىندە جيىنعا قاتىسا الادى.