Foto: golosameriki.com

Qazaqstandıq Arbat.media basılımı Ukrainadağı soğıs jaylı maqala jariyalağanı üşin Reseydiñ Vladimir qalasındağı Lenin audandıq sotına şaqırtu alğanın mälimdedi. Bwl turalı Azattıq radiosı jazdı.

Sotqa arızdanuşı Resey armiyasınıñ 19-äskeri prokuraturası, 56680 äskeri bölimşesi dep jazılğan. Sot otırısı 17 aqpanğa belgilengen.

Arbat.media basılımınıñ jazuınşa, şaqırtu qağazında "Roskomnadzordıñ Vladimir oblıstıq basqarması basılımdağı Ukrainadağı soğıs jaylı maqaladan şındıqqa säykes kelmeytin jäne sayasi mändegi qoğamdıq mañızdı aqparat jaylı jalğan mälimet barın anıqtadı" dep jazılğan.

Arbat.media portalınıñ redakciyası özine tağılğan ayıptaularmen kelispeytinin jetkizdi.

Qazaqstandıq BAQ Resey sotınan alğaş ret şaqırtu alıp otır. Resey Ukrainağa basıp kirgennen keyin, Reseydiñ aqparattıq tehnologiya jäne bwqaralıq baylanıs salasın baqılau federaldıq qızmeti (Roskomnadzor) birqatar qazaqstandıq basılımnan Ukrainadağı soğıs jaylı materialdardı alıp tastaudı talap etken.

Roskomnadzordan Arbat.media, "Vlast'", Informburo.kz, Ratel.kz, Newtimes.kz basılımdarı Ukrainadağı soğısqa qatıstı materialdarın öşirudi talap etken hat alğan.