قازاقستاندىق Arbat.media باسىلىمى ۋكرايناداعى سوعىس جايلى ماقالا جاريالاعانى ءۇشىن رەسەيدىڭ ۆلاديمير قالاسىنداعى لەنين اۋداندىق سوتىنا شاقىرتۋ العانىن مالىمدەدى. بۇل تۋرالى ازاتتىق راديوسى جازدى.

سوتقا ارىزدانۋشى رەسەي ارمياسىنىڭ 19-اسكەري پروكۋراتۋراسى، 56680 اسكەري بولىمشەسى دەپ جازىلعان. سوت وتىرىسى 17 اقپانعا بەلگىلەنگەن.

Arbat.media باسىلىمىنىڭ جازۋىنشا، شاقىرتۋ قاعازىندا "روسكومنادزوردىڭ ۆلاديمير وبلىستىق باسقارماسى باسىلىمداعى ۋكرايناداعى سوعىس جايلى ماقالادان شىندىققا سايكەس كەلمەيتىن جانە ساياسي ماندەگى قوعامدىق ماڭىزدى اقپارات جايلى جالعان مالىمەت بارىن انىقتادى" دەپ جازىلعان.

اrbat.media پورتالىنىڭ رەداكتسياسى وزىنە تاعىلعان ايىپتاۋلارمەن كەلىسپەيتىنىن جەتكىزدى.

قازاقستاندىق باق رەسەي سوتىنان العاش رەت شاقىرتۋ الىپ وتىر. رەسەي ۋكرايناعا باسىپ كىرگەننەن كەيىن، رەسەيدىڭ اقپاراتتىق تەحنولوگيا جانە بۇقارالىق بايلانىس سالاسىن باقىلاۋ فەدەرالدىق قىزمەتى (روسكومنادزور) بىرقاتار قازاقستاندىق باسىلىمنان ۋكرايناداعى سوعىس جايلى ماتەريالداردى الىپ تاستاۋدى تالاپ ەتكەن.

روسكومنادزوردان اrbat.media"ۆلاست"Informburo.kzRatel.kz, Newtimes.kz باسىلىمدارى ۋكرايناداعى سوعىسقا قاتىستى ماتەريالدارىن ءوشىرۋدى تالاپ ەتكەن حات العان.