Kim Joñ Un jäne Donal'd Tramp. Foto: Daily Express

«Era» (Däuir) jurnalınıñ redakciyası jıl sayın jariya etetin « 100 ıqpaldı twlğa» tizimine AQŞ prezidenti Donal'd Tramp özi ğana emes, qızı Ivanka men küyeu balası Kuşner de, sonday-aq senimdi birneşe şeneunikterinde kirgizgen. Tizimniñ «köşbasşı» qararı boyınşa: Kim Çen In, Putin,Tereza Mey, Erdoğan, Rim Papası Franciskke, Melinda (Bill Geytstiñ äyeli) jäne "WikiLeaks"-tiñ negizin qalauşı Assanj qatarlı twlğalar köş bastap twr. Tizimde basqa da «Jasampaz», «Tartımdı», «İzbasar», «Önerpaz» qatarlı bes standarttarı bar.

AQŞ prezidenti özimen birge «Köşbasşılar» tizimine Qorğanıs ministri Matissti qamtığan senimdi degen Aq üy lauazımdıların ala kirdi. Sonday-aq, AQŞ-tıñ «altın hanşası» jäne onıñ küyeuin (Tramptıñ qızı men küyeu balası) «İzbasarlar» tizimine engizgen. Qızı men äyeliniñ Tramptıñ memlekettik sauda isterine kömekşilik etudey mansabınıñ bar ekeni belgili. Prezident kömekşisinen tartıp keñesşisine deyin toptasqan otbası müşeleri Tramptıñ senimdi adamdarı sanaladı.

Soltüstik Koreyanıñ eñ joğarı basşısı Kim Çen In «Iqpaldı twlğalar» tiziminen 2011 jıldan beri qatarınan 7 jıl tüspey kele jatqan twlğa. Bwdan bwrın Soltüstik Koreyadan Kim Çen Ir ğana 2004-2005 eki jıl qatarınan atalğan tizimnen orın alğan bolatın.

AQŞ-tıñ bwrınğı Oñtüstik Koreyadağı bas elşisi Kristofer Hill Kim Çen Innıñ bağalauşı avtorı sanalıp kelgen edi. Ol Tramp taqqa şıqqanğa deyin Kim Çen Inmen qatar atalıp kelip edi. Alayda, Tramp bilikke kelgennen keyin köptegen qiındıqtarğa wşıradı. Qazir Korey tübegi mäselesi tıñ deñgeyge köterildi. Bügingi tañda eşbir twlğa älemge Kim Çen Inmen qatar atalıp twrğan joq.

Kim Çen In biligine bes jıl ötse de oğan qatıstı bolğan öñirlik mäselede körnekti şeşim tabılmadı. Soltüstik Korey basşısınıñ öñirlik qayşılıqtağı ıqpalına, onıñ ağası Kim Çen Namnıñ qastandıqqa wşırauı kelip qosıldı. Kristofer Hill bolsa Kim Çen Namdı öltiruge bwyırğan onıñ biliktegi inisi dep körsetti. Bwl Soltüstik Koreya basşısınıñ ıqpalın Soltüstik Şığıs Aziyadan Şığıs Oñtüstik Aziyağa deyin wlğayttı. Öñirdegi jäne älemdegi qayşılıq jalğasa beretin bolsa, Kim Çen In «Däuir» basılımınıñ «Älemdegi 100 ıqpaldı twlğa» tiziminde äli talay jıl orın aları anıq.

The Qazaq Times