كيم جوڭ ۋن جانە دونالد ترامپ. فوتو: Daily Express

«Era» ء(داۋىر) جۋرنالىنىڭ رەداكتسياسى جىل سايىن جاريا ەتەتىن « 100 ىقپالدى تۇلعا» تىزىمىنە اقش پرەزيدەنتى دونالد ترامپ ءوزى عانا ەمەس، قىزى يۆانكا مەن كۇيەۋ بالاسى كۋشنەر دە، سونداي-اق سەنىمدى بىرنەشە شەنەۋنىكتەرىندە كىرگىزگەن. ءتىزىمنىڭ «كوشباسشى» قارارى بويىنشا: كيم چەن ىن، پۋتين،تەرەزا مەي، ەردوعان، ريم پاپاسى فرانتسيسككە، مەليندا (بيلل گەيتستىڭ ايەلى) جانە "WikiLeaks"-ءتىڭ نەگىزىن قالاۋشى اسسانج قاتارلى تۇلعالار كوش باستاپ تۇر. تىزىمدە باسقا دا «جاسامپاز»، «تارتىمدى»، «ءىزباسار»، «ونەرپاز» قاتارلى بەس ستاندارتتارى بار.

اقش پرەزيدەنتى وزىمەن بىرگە «كوشباسشىلار» تىزىمىنە قورعانىس ءمينيسترى ءماتيسستى قامتىعان سەنىمدى دەگەن اق ءۇي لاۋازىمدىلارىن الا كىردى. سونداي-اق، اقش-تىڭ «التىن حانشاسى» جانە ونىڭ كۇيەۋىن (ترامپتىڭ قىزى مەن كۇيەۋ بالاسى) «ءىزباسارلار» تىزىمىنە ەنگىزگەن. قىزى مەن ايەلىنىڭ ترامپتىڭ مەملەكەتتىك ساۋدا ىستەرىنە كومەكشىلىك ەتۋدەي مانسابىنىڭ بار ەكەنى بەلگىلى. پرەزيدەنت كومەكشىسىنەن تارتىپ كەڭەسشىسىنە دەيىن توپتاسقان وتباسى مۇشەلەرى ترامپتىڭ سەنىمدى ادامدارى سانالادى.

سولتۇستىك كورەيانىڭ ەڭ جوعارى باسشىسى كيم چەن ىن «ىقپالدى تۇلعالار» تىزىمىنەن 2011 جىلدان بەرى قاتارىنان 7 جىل تۇسپەي كەلە جاتقان تۇلعا. بۇدان بۇرىن سولتۇستىك كورەيادان كيم چەن ير عانا 2004-2005 ەكى جىل قاتارىنان اتالعان تىزىمنەن ورىن العان بولاتىن.

اقش-تىڭ بۇرىنعى وڭتۇستىك كورەياداعى باس ەلشىسى كريستوفەر حيلل كيم چەن ىننىڭ باعالاۋشى اۆتورى سانالىپ كەلگەن ەدى. ول ترامپ تاققا شىققانعا دەيىن كيم چەن ىنمەن قاتار اتالىپ كەلىپ ەدى. الايدا، ترامپ بيلىككە كەلگەننەن كەيىن كوپتەگەن قيىندىقتارعا ۇشىرادى. قازىر كورەي تۇبەگى ماسەلەسى تىڭ دەڭگەيگە كوتەرىلدى. بۇگىنگى تاڭدا ەشبىر تۇلعا الەمگە كيم چەن ىنمەن قاتار اتالىپ تۇرعان جوق.

كيم چەن ىن بيلىگىنە بەس جىل وتسە دە وعان قاتىستى بولعان وڭىرلىك ماسەلەدە كورنەكتى شەشىم تابىلمادى. سولتۇستىك كورەي باسشىسىنىڭ وڭىرلىك قايشىلىقتاعى ىقپالىنا، ونىڭ اعاسى كيم چەن نامنىڭ قاستاندىققا ۇشىراۋى كەلىپ قوسىلدى. كريستوفەر حيلل بولسا كيم چەن نامدى ولتىرۋگە بۇيىرعان ونىڭ بيلىكتەگى ءىنىسى دەپ كورسەتتى. بۇل سولتۇستىك كورەيا باسشىسىنىڭ ىقپالىن سولتۇستىك شىعىس ازيادان شىعىس وڭتۇستىك ازياعا دەيىن ۇلعايتتى. وڭىردەگى جانە الەمدەگى قايشىلىق جالعاسا بەرەتىن بولسا، كيم چەن ىن «ءداۋىر» باسىلىمىنىڭ «الەمدەگى 100 ىقپالدى تۇلعا» تىزىمىندە ءالى تالاي جىل ورىن الارى انىق.

The Qazaq Times