Foto: exclusive.kz

Qazaqstan Ukrainanıñ Buça qalasına ornatılğan kigiz üyden eşqanday mäsele körip twrğan joq jäne Resey biligine oğan qatıstı eşqanday tüsinikteme bermeydi. Bwl jöninde «Azattıq» radiosına QR sırtqı ister ministrliginiñ resmi ökili Aybek Smadiyarov mälimdedi,-dep jazdı Masa media.  

– Kiiz üy qoyıldı. Bwdan qanday problema tuındadı? Qoyıldı. Kömek körsetildi. Bwl jeke qazaqstandıq kompaniyalardıñ bastaması. Özderi jinap, özderi aparıp, özderi kömektesip jatır, – dedi Aybek Smadiyarov.

SİM ökili Buçada ornatılğan kigiz üyden Qazaqstan eşqanday mäsele körmeytinin ayttı. Onıñ sözinşe, qazir Ukrainada jağday öte qiın, sondıqtan bwl aqparat basqaşa körinip jatuı mümkin.

Qañtar ayınıñ basında Resey basqınşılığınan qattı zardap şekken Buça qalasında «Nezlamnosti» (Mızğımastıq) punkti aşılğan. Kigiz üy jılu men jarıq bolmağan uaqıtta twrğındar kelip, telefondarın quattap, jılınu üşin aşılğan.

Kigiz üydi qazaq biznesmenderi men Ukrainadağı qazaq diasporası aşqanı jöninde habarlanğan.

10 qañtarda Resey sırtqı ister ministrliginiñ resmi ökili Mariya Zaharova Qazaqstan biligin Buçadağı kigiz üyge baylanıstı tüsinikteme beruge şaqırğan. Zaharova Qazaqstannıñ resmi ökilderi kigiz üyge qatısı joğın aytqanın, dese de, Resey-Qazaqstan odaqtastığına nwqsan kelmes üşin resmi Astananıñ oğan tüsinikteme bergeni abzal dep mälimdegen.