قازاقستان ۋكراينانىڭ بۋچا قالاسىنا ورناتىلعان كيگىز ۇيدەن ەشقانداي ماسەلە كورىپ تۇرعان جوق جانە رەسەي بيلىگىنە وعان قاتىستى ەشقانداي تۇسىنىكتەمە بەرمەيدى. بۇل جونىندە «ازاتتىق» راديوسىنا قر سىرتقى ىستەر مينيسترلىگىنىڭ رەسمي وكىلى ايبەك سمادياروۆ مالىمدەدى،-دەپ جازدى ماسا مەديا.
– كيىز ءۇي قويىلدى. بۇدان قانداي پروبلەما تۋىندادى؟ قويىلدى. كومەك كورسەتىلدى. بۇل جەكە قازاقستاندىق كومپانيالاردىڭ باستاماسى. وزدەرى جيناپ، وزدەرى اپارىپ، وزدەرى كومەكتەسىپ جاتىر، – دەدى ايبەك سمادياروۆ.
ءسىم وكىلى بۋچادا ورناتىلعان كيگىز ۇيدەن قازاقستان ەشقانداي ماسەلە كورمەيتىنىن ايتتى. ونىڭ سوزىنشە، قازىر ۋكراينادا جاعداي وتە قيىن، سوندىقتان بۇل اقپارات باسقاشا كورىنىپ جاتۋى مۇمكىن.
قاڭتار ايىنىڭ باسىندا رەسەي باسقىنشىلىعىنان قاتتى زارداپ شەككەن بۋچا قالاسىندا «نەزلامنوستى» (مىزعىماستىق) پۋنكتى اشىلعان. كيگىز ءۇي جىلۋ مەن جارىق بولماعان ۋاقىتتا تۇرعىندار كەلىپ، تەلەفوندارىن قۋاتتاپ، جىلىنۋ ءۇشىن اشىلعان.
كيگىز ءۇيدى قازاق بيزنەسمەندەرى مەن ۋكرايناداعى قازاق دياسپوراسى اشقانى جونىندە حابارلانعان.
10 قاڭتاردا رەسەي سىرتقى ىستەر مينيسترلىگىنىڭ رەسمي وكىلى ماريا زاحاروۆا قازاقستان بيلىگىن بۋچاداعى كيگىز ۇيگە بايلانىستى تۇسىنىكتەمە بەرۋگە شاقىرعان. زاحاروۆا قازاقستاننىڭ رەسمي وكىلدەرى كيگىز ۇيگە قاتىسى جوعىن ايتقانىن، دەسە دە، رەسەي-قازاقستان وداقتاستىعىنا نۇقسان كەلمەس ءۇشىن رەسمي استانانىڭ وعان تۇسىنىكتەمە بەرگەنى ابزال دەپ مالىمدەگەن.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟