30 jeltoqsan. Jetisu oblısı, Taldıqorğan qalasında «Azaptauşı» policeylerdiñ üstinen 146 baptıñ 1, 2, 3 bölikterimen qozğalğan sottıñ 25-retki otırısı ötti. Bügin swraluı kerek bolğan qandı qañtar kezinde qamalğandarğa ütik basıp azaptadı dep ayıptalğan Aydın Kenjebaev sotqa kelmey qaldı.

Sot hatşısınıñ habarlağanınday keşe tergeu izolyatorğa swrau hat jibergen. Onda olar Kenjebaevtıñ densaulığınıñ jauap beruge jaramdı ekenin aytqanımen bügin tañerteñ Kenjebaev densaulığınıñ jauap beruge jaramsız ekenin anıqtaytın anıqtama jiberip sot zalına kelmey qaldı.

Advokatı Ruslan Eseybekov qorğauındağı Kenjebaevtıñ sot zalına ne üşin kelmey qalğanınan habarsız ekenin ayttı.

Sotqa qatısqan jäbirlenuşi taraptıñ ökilderi sottıñ ötpey qalğanına narazılıq tanıttı. Kelesi sot otırısı 6-qañtarğa ötetin boldı.

Bwğan deyin Qañtar qırğını keznde wstalıp qamalğandardı azaptadı dep ayıptalğan policeylerdiñ üstinen qozğalğan iste 23 jäbirlenuşi men 24 kuäger swralğan. Aldıñğı sot otırstarında ayıptaluşı qızmetkerlerdiñ törteui swraldı.

Alğaşqı jauap bergen Almas Boqanov pen Janbaqıt Nwrtazanı tıñdaytın kezde sottaluşı Aydın Kenjebaevtıñ advokatı Eseybekov Ruslannıñ ötinişin qanağattandırğan sud'ya Bekmwrat Düysenbekov  «The Qazaq Times» aqparat agenttiginiñ tilşısı men «Adam qwqıqtar qorğau» byurosınıñ jurnalisın zaldan şığarıp jibergen.  Kelesi yağni 24-retki otırısta Saparmwrat Toqtaş pen Ermek Jwmaşev tıñdaldı. Saparmwrat özine tağılğan ayıppen kelispedi. Al, polkovnik Küdebaevtıñ bwyrığımen 7 qañtardan bastap Taldıqorğan qalasındağı DVD-ğa kelgen Jwmaşov sol jerde jäbirlenuşi Samat Düysenbekovtı eki ret tepkenin moyındadı. Basqa ayıptardı moyındamadı.