30 جەلتوقسان. جەتىسۋ وبلىسى، تالدىقورعان قالاسىندا «ازاپتاۋشى» پوليتسەيلەردىڭ ۇستىنەن 146 باپتىڭ 1, 2, 3 بولىكتەرىمەن قوزعالعان سوتتىڭ 25-رەتكى وتىرىسى ءوتتى. بۇگىن سۇرالۋى كەرەك بولعان قاندى قاڭتار كەزىندە قامالعاندارعا ۇتىك باسىپ ازاپتادى دەپ ايىپتالعان ايدىن كەنجەباەۆ سوتقا كەلمەي قالدى.

سوت حاتشىسىنىڭ حابارلاعانىنداي كەشە تەرگەۋ يزولياتورعا سۇراۋ حات جىبەرگەن. وندا ولار كەنجەباەۆتىڭ دەنساۋلىعىنىڭ جاۋاپ بەرۋگە جارامدى ەكەنىن ايتقانىمەن بۇگىن تاڭەرتەڭ كەنجەباەۆ دەنساۋلىعىنىڭ جاۋاپ بەرۋگە جارامسىز ەكەنىن انىقتايتىن انىقتاما جىبەرىپ سوت زالىنا كەلمەي قالدى.

ادۆوكاتى رۋسلان ەسەيبەكوۆ قورعاۋىنداعى كەنجەباەۆتىڭ سوت زالىنا نە ءۇشىن كەلمەي قالعانىنان حابارسىز ەكەنىن ايتتى.

سوتقا قاتىسقان جابىرلەنۋشى تاراپتىڭ وكىلدەرى سوتتىڭ وتپەي قالعانىنا نارازىلىق تانىتتى. كەلەسى سوت وتىرىسى 6-قاڭتارعا وتەتىن بولدى.

بۇعان دەيىن قاڭتار قىرعىنى كەزندە ۇستالىپ قامالعانداردى ازاپتادى دەپ ايىپتالعان پوليتسەيلەردىڭ ۇستىنەن قوزعالعان ىستە 23 جابىرلەنۋشى مەن 24 كۋاگەر سۇرالعان. الدىڭعى سوت وتىرستارىندا ايىپتالۋشى قىزمەتكەرلەردىڭ تورتەۋى سۇرالدى.

العاشقى جاۋاپ بەرگەن الماس بوقانوۆ پەن جانباقىت نۇرتازانى تىڭدايتىن كەزدە سوتتالۋشى ايدىن كەنجەباەۆتىڭ ادۆوكاتى ەسەيبەكوۆ رۋسلاننىڭ ءوتىنىشىن قاناعاتتاندىرعان سۋديا بەكمۇرات دۇيسەنبەكوۆ  «The Qazaq Times» اقپارات اگەنتتىگىنىڭ ءتىلشىسى مەن «ادام قۇقىقتار قورعاۋ» بيۋروسىنىڭ جۋرناليسىن زالدان شىعارىپ جىبەرگەن.  كەلەسى ياعني 24-رەتكى وتىرىستا ساپارمۇرات توقتاش پەن ەرمەك جۇماشەۆ تىڭدالدى. ساپارمۇرات وزىنە تاعىلعان ايىپپەن كەلىسپەدى. ال، پولكوۆنيك كۇدەباەۆتىڭ بۇيرىعىمەن 7 قاڭتاردان باستاپ تالدىقورعان قالاسىنداعى دۆد-عا كەلگەن جۇماشوۆ سول جەردە جابىرلەنۋشى سامات دۇيسەنبەكوۆتى ەكى رەت تەپكەنىن مويىندادى. باسقا ايىپتاردى مويىندامادى.