Keşe Almatıda policiya wstağan Oyan, Qazaqstan belsendileri onnan astı. Wstalğandar arasında Bota Şäripjan, Mira Oñğarova, Fariza Ospan, Nağaşıbek Bekdayır, Aydana Aydarhan, Beybarıs Tolımbekov, Bauırjan Ädilhanov jäne Äsem Jäpişeva bar. Keybirin policiya – üylerinen, keybirin joldan wstap äketken. Bwl turalı Ortalıq Aziya jañalıqtar qızmeti jazdı.

Jwma küni sağat 12-den kete bere Täuelsizdik monumentine bara jatqan jolda Bayseyitova köşesinde policiya Oyan, Qazaqstan'nıñ tağı tört müşesin wstadı. Bwğan Azattıq tilşisi kuä boldı. Policiya bir qızdıñ plakatın tartıp alğan. “Ne üşin wstap jatsızdar?” degen swraqqa policiya jauap bermedi.

Azattıq tilşisi policiyadan äzirge jauap ala almadı.

Bwğan deyin Mira Oñğarova äleumettik jeli paraqşasında özin "beybit jiın ötkizu tärtibin bwzu" (488-bap 6-böligi) babı boyınşa wstağanın jazğan. Ol qazir Almatınıñ Äuezov audandıq policiya böliminde.

Jwma küni tañerteñ policiya Oyan, Qazaqstan belsendisi Beybarıs Tolımbekovti üyinen wstap äketken edi.

Jıl sayın 16 jeltoqsanda Qazaqstannıñ türli öñirinde qwrbandardı eske alu şaraları ötip, belsendiler men twrğındar bilikke sın aytıp, Jeltoqsan, Jañaözen aqiqatın aşudı talap etip keledi. Keminde 238 adamnıñ ömirin qiğan Qañtar oqiğasınıñ bir jıldığı da tayap keledi. Sarapşılar osı üş qantögistiñ şındığı äli aşılmadı dep sanaydı.