Foto: kaztag.kz

Policiya «Elmedia» redakciyası keñsesine «şabuıl jasadı» dep küdikke ilingen eki adamdı wstağanın mälimdedi. Bwl jöninde Azattıq radiosı habarladı.

«Zañğa qayşı äreket jasadı dep küdikke ilingen eki adam wstaldı: Z. esimdi Almatı twrğını jäne G. esimdi Tarazdan kelgen adam. Ekeui de 18 jasta» dep jazdı Polisia.kz saytı.

Küdiktilerge «Wsaq bwzaqılıq» babı boyınşa äkimşilik is qozğalğan. Resmi aqparat boyınşa, wstalğandar «äreketin moyındağan». Oqiğağa qatıstı özge jayttar anıqtalıp jatır dep aytıladı.

«Elmedia» redakciyası keñsesine osığan deyin soñğı bir jarım ayda tört ret şabuıl jasalğanı habarlanğan. Soñğı ret redakciya 23 qaraşağa qarağan tüni belgisiz bireuler keñseniñ vitrinasın şağıp ketkenin habarlağan. Redakciya ökilderi oqiğanı «jurnalisterge eskertu» dep bağalap, biraq «küresti toqtatpaytının» mälimdegen.

Bwğan deyin redakciya ökilderi är oqiğa sayın policiya kelgenmen «eş nätije bolmağanın» aytqan.

Bir kün bwrın «Ädil söz» baspasöz qorğau wyımı men Qazaqstan Jurnalister odağı prezident Qasım-Jomart Toqaevqa qayırılıp, jurnalist-äyelderdi qorğauğa, sonımen birge eldegi aqparat qwraldarına jasalğan zañsızdıqtardı nazardan tıs qaldırmauğa ündegen edi. 

«Jalpı BWW Adam qwqığı keñesi «Jurnalister qauipsizdigi» turalı rezolyuciyasına säykes naqtı bağdarlama qajet. Jurnalisterge qarsı zañsızdıq pen jazasızdıq eldegi demokratiyalıq reformalardı tejeydi jäne Qazaqstannıñ qwqıqtıq jäne demokratiyalıq el retindegi bedeline nwqsan keltiredi» dep jazılğan mälimdemede.

Baspasöz qorğau wyımdarı Elmedia redakciyasına jasalğan şabuıl men joba jetekşisi Güljan Erğalievağa bağıttalğan bulling, Orda.kz keñsesine jiberilgen şoşqanıñ bası, «Dorojnıy kontrol'» tilşisi Olesya Vertinskayağa jasalğan şabuıldardı mısal retinde keltirgen.

25 qaraşada prezidenttiñ baspasöz hatşısı Ruslan Jeldibay Feysbukta «Ädil söz» halıqaralıq qorı men Qazaqstan Jurnalister odağınıñ äyel-jurnalisterdi qorğau turalı ötinişi nazarğa alınğanın habarladı.

«Bwqaralıq aqparat qwraldarınıñ ökilderine qatıstı zañğa qayşı äreketter jasağan adamdardı jauapqa tartu üşin bolğan oqiğalardı tergeu tiisti memlekettik organdarğa tapsırıldı» dedi Ruslan Jeldibay.

Qazaqstanda jurnalister käsibi qızmetine baylanıstı tosqauıl-kedergilerge jii wşıraydı. «Şekarasız tilşiler» halıqaralıq wyımınıñ «Söz bostandığı indeksinde» Qazaqstan 180 eldiñ arasında 122-orında twr. Elde söz bostandığınıñ ahualı kürdeli dep bağalanadı.