Ortalıq saylau komissiyasınıñ Qazaqstan prezidentiniñ kezekten tıs saylauındağı aldın ala qorıtındısı boyınşa saylauşılardıñ 81,3 payızı Qasım-Jomart Toqaevqa dauıs bergenin.

Komissiyasınıñ törağası Nwrlan Äbdirovtiñ mälimetinşe, Qazaqstandağı 11 million 953 mıñ 463 saylauşınıñ 8 million 300 mıñı yağni 69,4 payızı dauıs berugen. Saylaudı Qazaqstan prezidenttigine kandidattardıñ 11 mıñnan asa senimdi ökili, şet memleketter men halıqaralıq wyımdardıñ 641 ökili, sayasi partiyalardıñ 15,5 mıñnan asa, qoğamdıq birlestikterdiñ 30 mıñnan asa bayqauşıları baqılağan.

OSK törağasınıñ sözinşe, saylau uçaskelerine Qazaqstannıñ 1225 bwqaralıq aqparat qwralı, 23 şeteldiñ 41 bwqaralıq aqparat qwralınan Qazaqstanda akkredittelgen 106 jurnalist saylau barısı jöninde aqparat taratqan.

OSK-niñ qazirge deyingi resmi aqparatı Qazaqstan prezidenttigine kandidat Qaraqat Äbdenge 206 mıñ 206 saylauşı (2,6 payız), Nwrlan Äuesbaevqa 176 mıñ 116 saylauşı (2,2 payız), Jiguli Dayrabaevqa 271 mıñ 641 saylauşı (3,4 payız), Meyram Qajıkenge 200 mıñ 907 saylauşı (2,5 payız), Saltanat Twrsınbekovağa 168 mıñ 731 saylauşı (2,1), Qasım-Jomart Toqaevqa 6 million 456 mıñ 392 saylauşı (81,3 payız) dauıs bergenin körsetken.

460 mıñ 484 saylauşı (5,8 payız) saylau byulletenindegi ("Bärine qarsımın") grafasın tañdağan.

Keşe, 21 qaraşada ötken Qazaqstan prezidentiniñ kezekten tıs saylauına altı kandidat qatısqan. Täuelsiz sarapşılar men halıqaralıq taldauşılar bwl jolı saylau byulletenine engizilgen bes adam qazir bilikte otırğan prezidentke "formaldı bäsekeles" dep esepteydi. Täuelsiz bayqauşılar saylau procesinde zañsızdıqtar bolğanın habarlağan. Äleumettik jelide bayqauşılarğa qısım jasalğanı jöninde türli aqparattar şıqqan. "Bäsekesiz" prezident saylauına qarsı akciyağa şıqpaq bolğan jäne şıqqan belsendiler saylaudan bwrın jäne saylau küni qamauğa alınğan.

;t=2s