ورتالىق سايلاۋ كوميسسياسىنىڭ قازاقستان پرەزيدەنتىنىڭ كەزەكتەن تىس سايلاۋىنداعى الدىن الا قورىتىندىسى بويىنشا سايلاۋشىلاردىڭ 81,3 پايىزى قاسىم-جومارت توقاەۆقا داۋىس بەرگەنىن.

كوميسسياسىنىڭ توراعاسى نۇرلان ءابدىروۆتىڭ مالىمەتىنشە، قازاقستانداعى 11 ميلليون 953 مىڭ 463 سايلاۋشىنىڭ 8 ميلليون 300 مىڭى ياعني 69,4 پايىزى داۋىس بەرۋگەن. سايلاۋدى قازاقستان پرەزيدەنتتىگىنە كانديداتتاردىڭ 11 مىڭنان اسا سەنىمدى وكىلى، شەت مەملەكەتتەر مەن حالىقارالىق ۇيىمداردىڭ 641 وكىلى، ساياسي پارتيالاردىڭ 15,5 مىڭنان اسا، قوعامدىق بىرلەستىكتەردىڭ 30 مىڭنان اسا بايقاۋشىلارى باقىلاعان.

وسك توراعاسىنىڭ سوزىنشە، سايلاۋ ۋچاسكەلەرىنە قازاقستاننىڭ 1225 بۇقارالىق اقپارات قۇرالى، 23 شەتەلدىڭ 41 بۇقارالىق اقپارات قۇرالىنان قازاقستاندا اككرەديتتەلگەن 106 جۋرناليست سايلاۋ بارىسى جونىندە اقپارات تاراتقان.

وسك-ءنىڭ قازىرگە دەيىنگى رەسمي اقپاراتى قازاقستان پرەزيدەنتتىگىنە كانديدات قاراقات ابدەنگە 206 مىڭ 206 سايلاۋشى (2,6 پايىز), نۇرلان اۋەسباەۆقا 176 مىڭ 116 سايلاۋشى (2,2 پايىز), جيگۋلي دايراباەۆقا 271 مىڭ 641 سايلاۋشى (3,4 پايىز), مەيرام قاجىكەنگە 200 مىڭ 907 سايلاۋشى (2,5 پايىز), سالتانات تۇرسىنبەكوۆاعا 168 مىڭ 731 سايلاۋشى (2,1), قاسىم-جومارت توقاەۆقا 6 ميلليون 456 مىڭ 392 سايلاۋشى (81,3 پايىز) داۋىس بەرگەنىن كورسەتكەن.

460 مىڭ 484 سايلاۋشى (5,8 پايىز) سايلاۋ بيۋللەتەنىندەگى ("بارىنە قارسىمىن") گرافاسىن تاڭداعان.

كەشە، 21 قاراشادا وتكەن قازاقستان پرەزيدەنتىنىڭ كەزەكتەن تىس سايلاۋىنا التى كانديدات قاتىسقان. تاۋەلسىز ساراپشىلار مەن حالىقارالىق تالداۋشىلار بۇل جولى سايلاۋ بيۋللەتەنىنە ەنگىزىلگەن بەس ادام قازىر بيلىكتە وتىرعان پرەزيدەنتكە "فورمالدى باسەكەلەس" دەپ ەسەپتەيدى. تاۋەلسىز بايقاۋشىلار سايلاۋ پروتسەسىندە زاڭسىزدىقتار بولعانىن حابارلاعان. الەۋمەتتىك جەلىدە بايقاۋشىلارعا قىسىم جاسالعانى جونىندە ءتۇرلى اقپاراتتار شىققان. "باسەكەسىز" پرەزيدەنت سايلاۋىنا قارسى اكتسياعا شىقپاق بولعان جانە شىققان بەلسەندىلەر سايلاۋدان بۇرىن جانە سايلاۋ كۇنى قاماۋعا الىنعان.

;t=2s