Foto: stan.kz

Human Rights Watch ("H'yuman Rayts Votç") halıqaralıq adam qwqıqtarın qorğau wyımı Özbekstan qauipsizdik küşterin 2022 jılğı 1 jäne 2 şildede Qaraqalpaqstanda narazılıqqa şıqqandardı taratu kezinde şamadan tıs küş qoldandı dep ayıptadı. Bwl turalı Ortalıq Aziya jañalıqtar qızmeti jazdı.

Wyım Özbekstan biligin Qaraqalpaqstandağı oqiğalarğa, sonıñ işinde qauipsizdik küşteriniñ äreketine täuelsiz zertteu jürgizuge şaqırdı.

7 qaraşada jariyalanğan bayandamada Özbekstan qauipsizdik küşteri Qaraqalpaqstanda 2022 jılğı 1 jäne 2 şildede beybit şeruge şıqqandardı taratu kezinde adam ömirine qauipti qwraldar men is-äreketterdi orınsız qoldandı dep jazılğan.

Human Rights Watch mälimetinşe, küş qwrılımdarı "oq atatın qaru men granatalardıñ birneşe türin" orınsız qoldanğan. Qarudıñ mwnday türleri qauipsizdik erejesin saqtamağan jağdayda adamdı auır jaralap nemese öltirui de mümkin, delingen bayandamada. Narazılıqtı küşpen taratu kezinde kem degende 21 adam, sonıñ işinde qwqıq qorğau organdarınıñ 4 qızmetkeri öldi, 270-ten astam adam jaralandı.

"Qaraqalpaqstanda şildede köptegen adam öldi, jüzdegen adam jaralandı, olardıñ keybiriniñ jaraqatı auır", – deydi Human Rights Watch wyımınıñ Europa jäne Ortalıq Aziya jönindegi direktorı H'yu Uil'yamson.

Özbekstan biligi äzirge Human Rights Watch halıqaralıq adam qwqıqtarın qorğau wyımınıñ bayandamasına qatıstı mälimdeme jasağan joq.

Biıl şildeniñ basında Qaraqalpaqstan astanası Nükis pen öñirdegi basqa da qalalarda jappay narazılıq şerui boldı. Twrğındar Konstituciyanıñ jaña nwsqasında Qaraqalpaqstannıñ Özbekstan qwramınan şığu qwqığın beretin zayırlı märtebesin alıp tastağanına qarsı şıqtı.

Narazılıq küşpen basıldı. 4 şildede Özbekstan biligi 18 adam qaza bolğanın, 516 adam wstalğanın mälimdedi. Sol küni Özbekstan parlamenti el Konstituciyasında Qaraqalpaqstannıñ zayırlı märtebesin saqtau jöninde resmi şeşim qabıldadı.