Sputnik.kz — reseylik media, Reseyden qarjılanadı. Qazaqstan aumağında erkin habar taratıp keledi. Şetelden qarjılanatın basqa bir basılımdı eş negizsiz ayıptap, jauıp tastaudı qwptap jatqan adamdardıñ eşbiri Sputnikti sınğa alğanın bayqamadın. Dwrıstap oylansaq, wltımızğa bwl basılımnan tönetin qauip joğarı,-dep jazdı FB-dağı jazbasında jurnalist Orazay Qıdırbaev.
Qıdırbaevtıñ jazbasında "Soğıs bastalğalı beri Sputnik basqınşı Resey közqarasın nasihattap keledi. Qarañız, “Reseydiñ Ukrainadağı arnayı operaciyası” dep tüsindiripti. Qaydağı arnayı äskeri operaciya? Bwl nağız basqınşı soğıs emes pe? Qazaqstan twtastığın moyındaytın Ukraina aumağın küşpen iemdenip alu emes pe?
Qazaqstandağı orıs tilinde habar taratatın medianıñ köpşiligi özin Qazaqstannan göri Reseyge tiesili sanaydı. Olardıñ negizgi aqparat közi — Reseydiñ aqparat keñistigi. Mısalı, birneşe kün bwrın Whatsapp istemey qalğanda, orda.kz saytı “Whatsapp Mäskeu uaqıtımen mınaday uaqıtta istemey qaldı” dep jazdı. Mäskeu uaqıtımen!
Al tengrinews Qazaqstandağı tanımal änşi Töreğalidi kemsitip, onıñ esimin jazğanda “est' takoy pevec” dep tüsindiredi. Biraq men eş tanımaytın Oksimiron men Zadornov turalı olay jazbaydı", -delingen.
Bwğan deyin biliktegi şendiler men bilikşil jurnalisterdiñ auzınan şetel qarjılandıratın BAQ degen söz jii aytılıp kele jatqan. Olar negizinen täuelsiz jurnalisterdi köp meñzeydi.