Sputnik.kz — رەسەيلىك مەديا، رەسەيدەن قارجىلانادى. قازاقستان اۋماعىندا ەركىن حابار تاراتىپ كەلەدى. شەتەلدەن قارجىلاناتىن باسقا ءبىر باسىلىمدى ەش نەگىزسىز ايىپتاپ، جاۋىپ تاستاۋدى قۇپتاپ جاتقان ادامداردىڭ ەشبىرى سپۋتنيكتى سىنعا العانىن بايقامادىن. دۇرىستاپ ويلانساق، ۇلتىمىزعا بۇل باسىلىمنان تونەتىن قاۋىپ جوعارى،-دەپ جازدى فب-داعى جازباسىندا جۋرناليست ورازاي قىدىرباەۆ.
قىدىرباەۆتىڭ جازباسىندا "سوعىس باستالعالى بەرى سپۋتنيك باسقىنشى رەسەي كوزقاراسىن ناسيحاتتاپ كەلەدى. قاراڭىز، “رەسەيدىڭ ۋكرايناداعى ارنايى وپەراتسياسى” دەپ ءتۇسىندىرىپتى. قايداعى ارنايى اسكەري وپەراتسيا؟ بۇل ناعىز باسقىنشى سوعىس ەمەس پە؟ قازاقستان تۇتاستىعىن مويىندايتىن ۋكراينا اۋماعىن كۇشپەن يەمدەنىپ الۋ ەمەس پە؟
قازاقستانداعى ورىس تىلىندە حابار تاراتاتىن مەديانىڭ كوپشىلىگى ءوزىن قازاقستاننان گورى رەسەيگە تيەسىلى سانايدى. ولاردىڭ نەگىزگى اقپارات كوزى — رەسەيدىڭ اقپارات كەڭىستىگى. مىسالى، بىرنەشە كۇن بۇرىن Whatsapp ىستەمەي قالعاندا، orda.kz سايتى “Whatsapp ماسكەۋ ۋاقىتىمەن مىناداي ۋاقىتتا ىستەمەي قالدى” دەپ جازدى. ماسكەۋ ۋاقىتىمەن!
ال tengrinews قازاقستانداعى تانىمال ءانشى تورەعاليدى كەمسىتىپ، ونىڭ ەسىمىن جازعاندا “ەست تاكوي پەۆەتس” دەپ تۇسىندىرەدى. بىراق مەن ەش تانىمايتىن وكسيميرون مەن زادورنوۆ تۋرالى ولاي جازبايدى", -دەلىنگەن.
بۇعان دەيىن بيلىكتەگى شەندىلەر مەن بيلىكشىل جۋرناليستەردىڭ اۋزىنان شەتەل قارجىلاندىراتىن باق دەگەن ءسوز ءجيى ايتىلىپ كەلە جاتقان. ولار نەگىزىنەن تاۋەلسىز جۋرناليستەردى كوپ مەڭزەيدى.