Jogorku Keneştiñ 26 qazandağı otırısında deputattardıñ birqatarı Bişkekte sayasatkerler men belsendilerdiñ jappay wstaluın talqılaudı wsındı. Bwl turalı Ortalıq Aziya jañalıqtar qızmeti jazdı.

Parlament deputattarı tolıq mälimet alu üşin İİM basşısın şaqırğısı keledi.

Deputat Seidbek Atambaevtıñ pikirinşe, belsendilerdi jappay wstau turalı şeşim ädil emes. "20 adamdı wstadı, olardıñ arasında tanımal sayasatkerler, blogerler, jurnalister bar. Bizdiñ bwl adamdarmen sayasi közqarasımız üylespeydi, biraq ädildik üşin aytayın, olardı wstau turalı şeşim ädil emes. Erteñ sizderge birdeñe bolsa, bwl jurnalisterden qoldau kütpeñiz. Bilik BAQ pen jurnalisterdiñ qoldauınan ayrılıp baradı. İşki ister ministrin, ombudsmendi, jazanı atqaru qızmetin şaqırayıq. Onda jağday jasalmağan dep estidim. Bizdiñ olarğa qoyatın swrağımız köp", - deydi Atambaev.

Deputat Dastan Bekeşev äriptesiniñ wsınısın qoldap, bwl mäseleni parlament otırısında köteru körek dep mälimdedi.

Alayda deputattardıñ birqatarı mwnday wsınısqa qarsı şıqtı. "Ata-Jwrt Qırğızstan" frakciyasınıñ müşeleri Jenişbek Toqtorbaev pen Farhat Ismailov tergeu isine aralasuğa bolmaydı dep esepteydi.

Vice-spiker Nwrbek Sıdıgaliev tüsten keyin qwqıq qorğau organdarınıñ ökilderi mälimet alu üşin parlamentke şaqırtılatının ayttı.

23 qazanda Bişkekte sayasatkerler, adam qwqıqtarın qorğauşılar men belsendilerdiñ üyi tintildi. Keyin 20-dan astam adam 48 sağatqa tergeu izolyatorına qamalğanı mälim boldı. Olar Kempirabad su qoymasın qorğau jöninde komitet qwru turalı şeşimnen soñ qudalauğa wşırağanın ayttı.

25 qazanğa qarağan tüni Bişkektegi 1-may audandıq sotı 20 adamdı eki ayğa qamauğa alu turalı şeşim şığardı. İşki ister ministrligi olardı "jappay tärtipsizdik wyımdastıruğa talpındı" dep ayıptap otır.