Qazaqstan el ekonomikasına 300 mıñ dollar investiciya salğan şeteldikterge uaqıtşa twru qwjatın berudi josparlaydı. Bwl turalı sauda jäne integraciya ministri Serik Jwmanğaringe silteme jasap jergilikti Tengrinews.kz saytı habarladı,- dep jazdı Ortalıq Aziya jañalıqtar qızmeti.

"Qazaqstan ekonomikasına 300 mıñ dollar investiciya qwyğan şeteldik biznesmenderge on jıldıq viza berudi qarastıratın zañ jobası dayındalıp jatır" dep jauap bergen Jwmanğarin parlamenttegi "Aq jol" frakciyasınıñ saualına.

Ministr on jıldıq viza bergende byudjetke salıqtan tüsetin payda men jaña jwmıs orındarınıñ aşılu jağı eskeriledi dep otır.

Resey biligi Ukrainadağı soğısqa baylanıstı 21 qırküyekte mobilizaciya jariyalağan soñ Qazaqstanğa 300 mıñday reseylik qaşıp kelgen, olardıñ jartısı elden ketkeni aytıldı.

İİM mälimetinşe, 21 qırküyekte 2177 şeteldik twraqtı twru qwjatın aluğa ötiniş bergen, olardıñ işinde 998 adam – Resey azamatı. Al azamattıq aluğa 1398 adam (221 reseylik) ötiniş jazğan. Elde "reseylikter kelip, jwmıs orındarın alıp aladı, päter jaldau bağasınıñ qımbattauına äser etedi" degen qorqınış bar. Bilik aldımen qazaqstandıqtarğa jağday jasaladı dep qoğamdağı qorqınıştı seyiltuge tırısıp jatır.

Ötken aptada Qazaqstan prezidenti Qasım-Jomart Toqaev Reseyde ornalasqan 50-den asa iri halıqaralıq kompaniya Qazaqstanğa keluge dayın dep mälimdegen. Ükimettiñ aqparatınşa, halıqaralıq 300 kompaniya Reseydegi keñselerin Qazaqstanğa köşiruge dayın.

Bwğan deyin Toqaev ükimetke Reseyden ketken şeteldik kompaniyalardı Qazaqstanğa ornalastıruğa jağday jasaudı tapsırğan.