Resey küşteri Severodoneck qalasına şabuıldı küşeytti. Foto: Twitter

Reseydiñ Ukrainağa basıp kirgenine jaqında 100 kün tolğalı twr. Al, Ukraina prezidenti Voladimir Zelenskiy öz mälimdemesinde eldiñ 20 payız territoriyası jau qolında qalğanın ayttı. Onıñ aytısınşa, şeptiñ şekarası mıñ şaqırımğa deyin sozılıp, Ukrainağa bağıttalğan agressiyasına Resey barlıq äskeri küşin jwmıldırıp jatır.

Soğıs maydanınan tarap jatqan habarlarğa qarağanda, qazir Resey küşteri Severodoneckke şabuıldarın küşeytken. Qalanıñ auqımdı böligin reseylikter ielep alğanın Britaniyanıñ şalğın qızmetine naqtılap mälimdeme jasağan. Ukraina küşterin artilleriyalarmen tınımsız atqılap, şahardağı negizgi üstemdikke ie bola bastağan.

Severodoneck qalasındağı jauaptasqan wrıs swrapıl deñgeyde. UQK tarabı keybir köşelerde basımdıq tanıtqanımen, Resey tarabı olardıñ qorğanısın barlıq taraptan bwzıp tastauğa küş salıp jatır. Eger qalanı Resey küşteri özine qaratatın bolsa Ukraina öziniñ baqılauındağı eñ şığıs şaharınan ayırılmaq.

Qaladağı soğıstıñ joğarı jiliginen beybit twrğındardı evakuacyalau mümkin bolmay otır.

Al, oñtüstik-şığıstağı Resey basıp alğan Mariupol'de RF küşteri Resey qoldauındağı jaña bilikke moyınswnbay, qala äkimşiliginiñ ökilderin jazalauğa tırısuda. Bwnı Mariupol'diñ bwrınğı meri Vadim Moyçenko mälimdegen. Ol ötken aptada CNN arnasına bergen swhbatında Reseydiñ qalanı bombalauı kezinde keminde 22 mıñ adam qaza tapqanın aytqan bolatın.

Batıs elderi bolsa Resey prezidenti Vladimr Putinniñ negizgi odaqtastarına da sankciyanı küşeytetinderin aytıp jatır. Bwğan negizinen Putinmen baylanısı bar oligarhtar közdelip otır.

The Qazaq Times