ASEAN sammitinde Bayden jekelegen kezdesu ötkizbek. Foto: Council on Foreign Relations

Mamırdıñ 12-13 aralığında AQŞ-ta ASEAN sammiti ötedi dep josparlanuda. Birneşe kün bwrın Aq üyde Jou Bayden ASEAN elderiniñ basşılarımen kezdesetinin mälimdedi. Bayden Oñtüstik-Şığıs Aziya elderimen ıntmaqtastıqtı saqtau öziniñ sırtqı sayasattağı basımdıqtarınıñ biri ekenin ayttı.

Atalğan sammit anığında naurız ayınıñ soñına ötetin bolıp josparlanğan, alayda, wyım müşeleriniñ keybirindegi üylestiru jwmıstarına baylanıstı keşeuildedi. Mamırdağı sammitte AQŞ-ASEAN qarım-qatınasınıñ 45 jıldığı da atalıp ötedi. Qwrama Ştattar bwrın da qazir de Oñtüstik-Şığıs Aziya elderin negiz etken atalğan ekonomikalıq wyımmen tığız baylanısın wstap keledi. Bayden äkimşiliginiñ özi pandemiyağa qarsı ortaq küres ayasında ASEAN müşelerine 100 million AQŞ doları kölemindegi kömek beru bağdarlamasın qabıldağan.

Qwrama Ştattardıñ ASEAN elderimen baylanıstı damıtudağı maqsatı Ündi-Tınıq mwhit strategiyasına säykes, aymaqtağı köterilp kele jatqan Qıtaydıñ bäsekelestigine tötep beru.

Ötken ayda Bayden Singapur prem'er-ministri Li Syan'lunmen Aq üyde kezdesken bolatın. Kezdesude Bayden Europalıq odaqtastar, seriktestermen birge Reseydiñ Ukrainağa bağıttağan agressiyalıq qadamdarına qarsı küresip jatqandarına qaramastan, Ündi-Tınıq mwhit aymağındağı ıntımaqtastıqtı alğa jıljıtuğa müddeli ekenin tanıttı.

ASEAN – Şığıs-Oñtüstik Aziyada ğana emes, Ündi jäne Tınıq mwhit aymağındağı asa joğarı ekonomikalıq mañızğa ie. Qwramında Bruney, Kambodja, Indoneziya, Laos, Malayziya, M'yanma, Filippin, Singapur, Tailand jäne V'etnam qatarlı elderdi qamtidı.

The Qazaq Times