Qıtay Europa odağına senimsiz bola tüsti. Foto: CEIAS

Resey-Ukraina soğısınıñ bastalğanına eki aydan assa da Qıtay öziniñ wstanımın äli de tüsiniksiz küyde wstap keledi. Buça qalasındağı jağdayğa baylanıstı halıqaralıq qauımdastıq Reseydi äskeri qılmıspen ayıptap jatqan twsta, resmi Beyjiñ bwnı «Buça oqiğasınıñ dürbeleñi» dep qana atadı.

Qıtaylıq resmiler men aqparat qwraldarı Buça oqiğası boyınşa bir ğana Reseydi kinälauğa bolmaydı degen wstanımdarın aşıq jazıp jatır. 4 säuirde Europalıq sırtqı äreketter qızmeti öziniñ resmi saytında jariyalağan maqalasında qıtaylıq şeneunikter men BAQ-ınıñ bwl wstanımdarına basa nazar audardı. Beyjiñ özin memleketterdiñ twtastığın saqtau jönindegi halıqaralıq qauımdastıqtıñ negizgi qağidattarın qorğaytındarın ayta otırıp, Reseydiñ Ukrainağa basıp kiruine qatıstı NATO-nıñ şığısqa keñeyuin jäne Reseydiñ zañdı wlttıq qauipsizdik müddelerin elemegen Batıstı ayıptaydı. Atalğan maqalada Qıtaydıñ osı bir wstanımın öz-özine qayşılıq dep bağalay kele, Ukraina jağdayında Qıtay işki jäne sırtqı auditoriyağa AQŞ pen Batıs älemin ayıptauğa negizdelgen eski metotın jalğastırıp jatır dep sanaydı.

Qıtay tarabı Europalıq sırtqı äreketter qızmetiniñ atalğan jazbasına sol küni-aq jauap berip, Qıtaydıñ resmi wstanımın maqsattı türde bwrmalap otır dep ayıptadı.

Batıs pen Resey qatınası dağdarıstıñ tereñ batpağına batqan qazirgi kezde, Batıs  pen Qıtay qatınası da sol bağıtqa qaray damıp bara jatqanın körip otırmız. Qıtay Ukraina jağdayında Resey men Batıs elderiniñ qayşılığın paydalana otırıp, öziniñ geosayasi müddelerine oñtaylı poziciyanı berik qarmanuğa küş saları anıq. Tipti, «qırğıi-qabaq soğıs jıldarındağıday» Reseyge baylanıstı Qıtay öziniñ poziciyasın geosayasi saudağa saluı da mümkin.

Sarapşılar Beyjiñniñ Ukraina mäselesine qatıstı tüsiniksiz, qarama-qayşılıqqa tolı poziciyasın jalğastıru jäne onı qorğauı Europa Odağı üşin Qıtaydıñ senimsizdigin arttırıp keledi. Bwnıñ saldarınan Europa keñistiginde Qıtaydıñ AQŞ-qa qarsı jürgizgen bäsekelestik oyınında sätsizdikke wşıradı.

The Qazaq Times