Ukraina men Pol'şa şekarasında Kuleba men Blinken kezdesti. Foto: associated press

«Soğıs bir aptağa, tipti bir ayğa jalğassa da Ukrainanıñ jeñetinine senimdimin». Bwnday mälimdemeni bügin, 7 naurız küni AQŞ memlekettik hatşısı Antoni Blinken Litvadağı saparı kezinde ortağa saldı.

Senbi küni Bryussel'de Europa elderindegi äriptesterimen kezdesuden keyin AQŞ memlekettik hatşısı Moldova men  Pol'şağa saparladı. Pol'şa şekarasında Ukrainanıñ SİM basşısı Kulebamen de kezdesti. «Reyter» agenttiginiñ habarına qarağanda, kezdesude AQŞ pen özge Batıs elderiniñ Ukrainağa beretin kömegi, qaru-jaraq jetkizu mäseleleri, sonday-aq, Reseydi oqşaulau men küyretuşi sankciyalar mäseleleri talqılanğan.

Al, Kuleba bolsa Ukrainanıñ soğısta jeñetinine senimdi ekenin, alayda soğıstı tezirek toqtatu üşin özge älemniñ qoldauına mwqtajdığın jetkizgen. Bwğan qosa Ukraina armiyasına eñ qajet bolıp jatqan wşaq jäne äue qorğanıs jüyeleriniñ tezirek beriluin swrağan. Kuleba sözinde Reseymen kelissözderdiñ eşqanday nätije bermegenin, biraq «kelissözdi alğa ilgerletu kerek ekenin» aytqan.

Kulebamen kezdesude Blinken: «Meniñ qazir dosım äri äriptesim Ukraina SİM basşısımen birge twrğanımday bükil älem de Ukrainmen birge twr», – degen mälimdeme jasaptı.

Bwdan keyin Blinken Baltıq jağalauındağı elderge saparğa attandı. Bügin Litiva astanası Vil'nyuste el prezidenti Gitanas Nausedamen kezdesti. Blinken kezdesude Resey prezidenti Putinniñ äreketteri Ukraina şekarasınan da asıp ketui, özge Europa elderiniñ şekarasına da ayaq basuı mümkin ekenin eskertken.

Blinken bwl saparında Qwrama Ştattardıñ Reseydiñ agressiyalıq äreketterine qarsı Litiva men Ukraina jağında bolatının basa aytıp ötken.

The Qazaq Times