Resey küşteri Ukrainağa basıp kürgen segizinşi küni elden bas sauğalap şıqqandar sanı 1 millionğa jetti. Bwl turalı BWW mälimeti rastadı. 

Eki kün bwrın Ukraina prezidenti Vladimir Zelenskiy Reseydi Har'kovke şabuıl kezinde soğıs qılmısına bardı dep ayıptağan bolatın. Halıqaralıq qılmıstıq sot Reseydiñ Ukrainağa şabuılına qatıstı soğıs qılmısın tergeudi bastap ketti.

Ukraina jeriniñ soltüstik, soltüstik-şığıs jäne oñtüstik aymaqtarında atıs jeti kün boyı jalğasıp jatır. Soñğı künderi Resey küşteri eldiñ ortalıq qalasına jaqın mañdağı şabuıldarın küşeytip jatır. Bügin el oñtüstigindegi Mariupolda swrapıl qaqtığıs birneşe sağatqa jalğastı. Jüzdegen adam qaza tapqan boluı mümkin degen mälimetti qala äkiminiñ orınbasarı jetkizgen.

Reseydiñ Ukrainağa şabuıl jasauı BWW Bas Assambleyası jağınan basım dauıspen ayıptaldı. Halıqaralıq qauımdastıq şeşimine say, Resey Ukraina jerinen äskerlerin tez äri tolığımen şığarıp ketui tiis. Alayda, Resey BWW şeşimin orındaytın sıñay tanıtpadı.

The Qazaq Times