رەسەي سوعىس قىلمىسىن جاسادى دەپ ايىپتالۋدا. فوتو: رەيتەر

رەسەي كۇشتەرى ۋكرايناعا باسىپ كۇرگەن سەگىزىنشى كۇنى ەلدەن باس ساۋعالاپ شىققاندار سانى 1 ميلليونعا جەتتى. بۇل تۋرالى بۇۇ مالىمەتى راستادى. 

ەكى كۇن بۇرىن ۋكراينا پرەزيدەنتى ۆلاديمير زەلەنسكي رەسەيدى حاركوۆكە شابۋىل كەزىندە سوعىس قىلمىسىنا باردى دەپ ايىپتاعان بولاتىن. حالىقارالىق قىلمىستىق سوت رەسەيدىڭ ۋكرايناعا شابۋىلىنا قاتىستى سوعىس قىلمىسىن تەرگەۋدى باستاپ كەتتى.

ۋكراينا جەرىنىڭ سولتۇستىك، سولتۇستىك-شىعىس جانە وڭتۇستىك ايماقتارىندا اتىس جەتى كۇن بويى جالعاسىپ جاتىر. سوڭعى كۇندەرى رەسەي كۇشتەرى ەلدىڭ ورتالىق قالاسىنا جاقىن ماڭداعى شابۋىلدارىن كۇشەيتىپ جاتىر. بۇگىن ەل وڭتۇستىگىندەگى ماريۋپولدا سۇراپىل قاقتىعىس بىرنەشە ساعاتقا جالعاستى. جۇزدەگەن ادام قازا تاپقان بولۋى مۇمكىن دەگەن مالىمەتتى قالا اكىمىنىڭ ورىنباسارى جەتكىزگەن.

رەسەيدىڭ ۋكرايناعا شابۋىل جاساۋى بۇۇ باس اسسامبلەياسى جاعىنان باسىم داۋىسپەن ايىپتالدى. حالىقارالىق قاۋىمداستىق شەشىمىنە ساي، رەسەي ۋكراينا جەرىنەن اسكەرلەرىن تەز ءارى تولىعىمەن شىعارىپ كەتۋى ءتيىس. الايدا، رەسەي بۇۇ شەشىمىن ورىندايتىن سىڭاي تانىتپادى.

The Qazaq Times