ۋكراينا-رەسەي: كىمنىڭ قانشا اسكەري تەحنيكاسى جويىلدى؟

رەسەي مەن ۋكراينا اراسىندا قاقتىعىس اقپاراتتىق سوعىسپەن قاتار ءجۇرىپ جاتىر. قوس تاراپ ءبىر-ءبىرىنىڭ اسكەري شىعىندارى تۋرالى اقپاراتتاردى ءسات سايىن جاڭارتىپ، وزدەرىنىڭ ۇرىس مايدانىنداعى باسىمدىقتارىن دالەلدەۋگە تىرىسىپ جاتىر.

ۇرىس باستالعان العاشقى كۇننىڭ وزىندە ۋركاينا رەسەيدىڭ بىرقاتار اسكەري تەحنيكالارىن، اسكەرلەرىن جويىپ نەمەسە قولعا تۇسكەنىن حابارلاعان. مۇنداي ۆيدەولار الەۋمەتتىك جەلىلەرگە دە تاراعان. رەسەي تارابى دا بۇعان قارسى اقپارات تاراتتى.

بۇگىن تاڭەرتەڭ تاراتقان رەسەي قورعانىس مينيسترلىگىنىڭ رەسمي مالىمەتىندە ۋكراينا ارمياسىنىڭ شىعىنىن بىلاي دەپ كورسەتكەن:

• اسكەري اۋەجايلار – 11
• بايلانىس ورتالىقتارى مەن باسقارۋ پۋنكتتەرى – 13
• زىمىران كومپلەكستەرى – 14
• رادار ستانتسياسى – 36
• سوعىس ۇشاعى – 5
• تىك ۇشاق – 1
• ۇشقىشسىز ۇشۋ قۇرىلعىسى – 5
• تانك جانە ساۋىتتى كولىكتەردەن – 18
• اتقىلاۋشى رەاكتيۆتى جۇيەدەن – 7
• ارنايى اسكەري تەحنيكادان – 41
• سوعىس قايىقتارىنان – 5

ال، بۇدان 12 ساعات بۇرىن ۋكراينا جاعىنان تاراعان كەيبىر مالىمەتتەردە رەسەي ارمياسىنىڭ سوعىس شىعىندارىن بىلاي دەپ كورسەتەدى:

• سوعىس ۇشاعىنان – 6
• تىكۇشاقتان – 7
• تانك – 24
• ساۋىتتى اسكەري تەحنيكالاردان – 22

ۇرىس ءالى دە قىزۋ كۇيدە، سوندىقتان اتالمىش مالىمەتتەر ساعات سايىن جاڭارىپ جاتىر. دەگەنمەن، تاراپتار ءبىر-ءبىرىنىڭ مالىمەتتەرى تۋرالى رەسمي پىكىر بىلدىرگەن جوق.

The Qazaq Times