Foto: vlast.kz

Juırda Qazaqstanğa oralıp, äuejaydan birden wstalğan sayasi belsendi Ermek Narımbay Almatı oblısı Zareçnıy kentindegi qauipsizdigi ortaşa rejimdegi türmege auıstırıldı. Bwl jöninde advokatı Janar Balğabaeva habarladı, dep jazdı Ortalıq Aziya jañalıqtar qızmeti.

Onıñ sözine qarağanda, belsendi 17 aqpanda kündiz atalğan abaqtığa etappen jetkizilgen.

– Şekaranı zañsız kesip ötu boyınşa sotqa deyingi tergeu amaldarı bastaldı. (Qazaqstanda bostandığı şektelgen belsendi 2016 jılı elden ketip qalğan – red.) Ol sol kezde öziniñ şekaranı qalay kesip ötkenin aytqan. Sodan soñ iz qozğalğan. Ol elde bolmağandıqtan is toqtap qalğan edi. Qazir qaytadan jandandı. WQK-dan tergeuşi keldi. Qazir sol tergeuge ketip bara jatırmın. Tergeuşi odan swraq-jauap aladı, – dedi advokat.

2015 jılğı qazanda Qazaqstan sotı azamattıq belsendiler Ermek Narımbay men Serikjan Mämbetalindi Mwrat Telibekovtiñ "Veter s ulicı" kitabınıñ üzindisin äleumettik jelige jariyalağanı üşin sottağan. "Alauızdıq tudırdı" degen ayıp tağılğan Narımbay üş jılğa, Mämbetalin eki jılğa bostandığınan ayırılğan.

Qazaqstandıq qwqıq qorğauşılar qamaudağı Narımbay men Mämbetalindi "sayasi twtqındar" tizimine engizgen. Keyin ekeui de isine "ökinetini" jaylı hat jariyaladı. Narımbay tergeu abaqtısında bir aydan astam uaqıt aştıq jariyalap jattı, 2016 jılğı 22 aqpanda sot onı üy qamağına auıstırğan soñ belsendi aştığın toqtattı. Keyin apellyaciya sotı onıñ jazasın jeñildetip, erkindigin üş jılğa şekteuge almastırğan. 2016 jılğı şildede Ermek Narımbay Qazaqstannan biliktiñ rwqsatınsız Ukrainağa ketip qaldı.

Ol biıl aqpan ayınıñ basında Qazaqstanğa oralğan kezde Almatı äuejayınan birden policiya bölimşesine jetkizilip, soñınan qamaldı. Advokattıñ aytuınşa, onıñ äli ötelmegen 2 jıl 5 ay jazası bar. Qorğau tarabı onı bosatuğa küş salatının aytqan.

Ermek Narımbay 2010 jılğı 1 mamırda Almatıda sol kezdegi Qazaqstan prezidenti Nwrswltan Nazarbaevtıñ otstavkağa ketuin talap etken demokratiyalıq küşter jiınında "Nazarbaev, ket!" dep wrandağan. Sol küni keşke onı policiya wstap äketip, "tärtip bwzdı" degen ayıppen 15 täulikke qamağan. Keyin qamauda otırğan belsendige "sotqa qwrmet körsetpedi" jäne "policeylerge qarsılasıp, küş körsetti" degen ayıptar tağıldı. Almatınıñ Bostandıq audandıq sotı osı eki ayıp boyınşa 2010 jılğı 26 mausımda Ermek Narımbaydı tört jılğa bostandığınan ayırdı. 2012 jılğı 25 aqpanda bilik raqımşılıq jasap onı qamaudan bosatqan.