Foto: ria.ru

Ukraina prezidenti Vladimir Zelenskiy ölke azamattarına ündeu jasap, 16aqpanda Birigu küni dep jariyaladı. 

"Tiisti jarlıqqa qol qoydım. Bwl küni wlttıq tuımızdı ilip, moynımızğa kök-sarı tüsti galstuk tağıp, bükil älemge birligimizdi körsetemiz", - dedi Zelenskiy. Bwl turalı Ortalıq Aziya jañalıqtar qızmeti jazdı.

Osığan deyin birqatar BAQ, onıñ işinde Spiegel basılımı 16 aqpanda Resey Ukrainağa şabuıl jasauı mümkin dep boljağan.

"Biz qarsı twra alamız. Bizdiñ mıqtı armiyamız bar, mıqtı soğıs täjiribege ie jauıngerlerimiz jäne zamanaui qaru-jaraqtarımız bar. Qazirgi armiya segiz jıl bwrınğı armiyadan älde-qayda küşti", - degen Zelenskiy Ukraina Donbass pen Qırımdı diplomatiyalıq jolmen ğana qaytarıp alatının jetkizdi.

AQŞ jäne basqa da birqatar elderdiñ resmi ökilderi Reseydiñ Ukrainağa bir apta işinde şabuıl jasau mümkindigi joğarı ekenin aytqan. Sonımen birge olar Resey osınday qadamğa baradı degenge äli tolıq senbeytinin de jetkizgen. Batıs ölkeleriniñ liderleri ahualdı diplomatiyalıq jolmen jönge salu mümkin ekenin aytıp jatır.

Resey bolsa Ukrainağa şabuıl jasau piğılı joq ekenin aytıp keledi. Düysenbi küni Reseydiñ qorğanıs ministri Sergey Şoygu prezident Vladimir Putinmen kezdesip, qazir jalpı äskeri jattığular ötip jatqanın, biraq olardıñ köbi jaqında ayaqtalatının aytqan.