فوتو: ria.ru

ۋكراينا پرەزيدەنتى ۆلاديمير زەلەنسكي ءولكە ازاماتتارىنا ءۇندەۋ جاساپ، 16اقپاندا بىرىگۋ كءۇءنى دەپ جاريالادى. 

ء"تيىستى جارلىققا قول قويدىم. بۇل كۇنى ۇلتتىق تۋىمىزدى ءىلىپ، موينىمىزعا كوك-سارى ءتۇستى گالستۋك تاعىپ، بۇكىل الەمگە بىرلىگىمىزدى كورسەتەمىز", - دەدى زەلەنسكي. بۇل تۋرالى ورتالىق ازيا جاڭالىقتار قىزمەتى جازدى.

وسىعان دەيىن بىرقاتار باق، ونىڭ ىشىندە Spiegel باسىلىمى 16 اقپاندا رەسەي ۋكرايناعا شابۋىل جاساۋى مۇمكىن دەپ بولجاعان.

ء"بىز قارسى تۇرا الامىز. ءبىزدىڭ مىقتى ارميامىز بار، مىقتى سوعىس تاجىريبەگە يە جاۋىنگەرلەرىمىز جانە زاماناۋي قارۋ-جاراقتارىمىز بار. قازىرگى ارميا سەگىز جىل بۇرىنعى ارميادان الدە-قايدا كۇشتى", - دەگەن زەلەنسكي ۋكراينا دونباسس پەن قىرىمدى ديپلوماتيالىق جولمەن عانا قايتارىپ الاتىنىن جەتكىزدى.

اقش جانە باسقا دا بىرقاتار ەلدەردىڭ رەسمي وكىلدەرى رەسەيدىڭ ۋكرايناعا ءبىر اپتا ىشىندە شابۋىل جاساۋ مۇمكىندىگى جوعارى ەكەنىن ايتقان. سونىمەن بىرگە ولار رەسەي وسىنداي قادامعا بارادى دەگەنگە ءالى تولىق سەنبەيتىنىن دە جەتكىزگەن. باتىس ولكەلەرىنىڭ ليدەرلەرى احۋالدى ديپلوماتيالىق جولمەن جونگە سالۋ مۇمكىن ەكەنىن ايتىپ جاتىر.

رەسەي بولسا ۋكرايناعا شابۋىل جاساۋ پيعىلى جوق ەكەنىن ايتىپ كەلەدى. دۇيسەنبى كۇنى رەسەيدىڭ قورعانىس ءمينيسترى سەرگەي شويگۋ پرەزيدەنت ۆلاديمير پۋتينمەن كەزدەسىپ، قازىر جالپى اسكەري جاتتىعۋلار ءوتىپ جاتقانىن، بىراق ولاردىڭ كوبى جاقىندا اياقتالاتىنىن ايتقان.