AQŞ Putinge jeke sankciya salduı josparlap otır. Foto: The Quint

Älem nazarı Resey men Ukrainada. Eki el ortasındağı qaqtığıs auqımdı soğısqa wlasadı degen qauip küşti. Reseydiñ Ukraina şekarasına jaqın ornalastırğan äskeriniñ sanı 120 mıñğa jetkeni jäne Belarus' jerine de äsker ornalastırıp jatqanı turalı mälimetter taradı. Köpten beri Ukrainağa äskeri qoldau körsetip kelgen NATO müşeleri soñğı künderi qaru-jaraq jöneltudi tipti de köbeytti. AQŞ tarabı Şığıs Europdağı ıqtimal qaqtığısqa dayın bolu üşin 8 mıñnan astam äskerdi dayındap qoydı. Bwğan qosa prezident Bayden şabuıl jasalğan jağdayda  Vladimir Putinniñ jeke özine sankciya saludı oylastırıp jatqanın mälimdegen.

Resey Ukrainağa şabuıl jasau josparınıñ joq ekenin qaytalap otır, äri jağdaydı uşıqtırıp jatır dep AQŞ bastağan batıs elderin kinälaydı. Bwğan negiz de joq emes, eki kün bwrın AQŞ pen Britaniya Ukrainadağı elşilik qızmetkerleri men olardıñ otbası müşelerin evakuaciyalay bastadı. Keybir ukrain sayasatkerleri bwl qadam eldegi twraqsızdıq pen soğıs qauipine degen alañdauşılıqtı küşeytedi, äri Reseydiñ şeşim qabıldauına äser etedi dep sınadı.

AQŞ prezidenti Jo Baydenniñ payımdauınşa, Resey men Ukraina şekarasında qaqtığıs bolğan jağdayda ol qazirgi jahandıq jağdayğa «orasan zor kesepatın tigizedi». Qazirgi jahandıq jağdaydan alğanda bwl boljamnıñ rastığına köz jetkizu qiın emes. Pandemiyadan keyin twralağan ekonomikalıq ösim köptegen eldi äbigerge salıp jatqanda auqımdı qaqtığıstıñ boluı dünie jüzi elderine oñğay soqpası anıq. Resey rasında şabuıl jasauğa şeşim qabıldasa, eñ äueli Europa elderiniñ energiya tarmaqtarı qıspaqta qaladı. Bwğan jol bermeu üşin Bayden äkimşiligi älemdegi iri mwnay-gaz kompaniyalarımen söylesip jatqanın New York Times basılımı jazdı.

Degenmen, Aq üy baspasöz qızmetiniñ aytuınşa, AQŞ NATO-ğa järdem beru üşin äskerlerin dayındap qoyğanımen, tikeley Ukrainağa äsker jöneltu turalı josparınıñ joq.

Soğıs qauipine qatar taraptar dialogtı da qarqındı jürgizip jatqanı bayqaladın. Bügin Franciyanıñ ortalıq qalası Parijde Resey men Urkina ökilderi, francuz jäne nemis ökilderiniñ qatısuımen kezdesu ötkizedi. Bwl kezdesude Reseydiñ naqtı maqsatı ayqındaladı degen boljamdar da bar.

The Qazaq Times