الەم نازارى رەسەي مەن ۋكراينادا. ەكى ەل ورتاسىنداعى قاقتىعىس اۋقىمدى سوعىسقا ۇلاسادى دەگەن قاۋىپ كۇشتى. رەسەيدىڭ ۋكراينا شەكاراسىنا جاقىن ورنالاستىرعان اسكەرىنىڭ سانى 120 مىڭعا جەتكەنى جانە بەلارۋس جەرىنە دە اسكەر ورنالاستىرىپ جاتقانى تۋرالى مالىمەتتەر تارادى. كوپتەن بەرى ۋكرايناعا اسكەري قولداۋ كورسەتىپ كەلگەن ناتو مۇشەلەرى سوڭعى كۇندەرى قارۋ-جاراق جونەلتۋدى ءتىپتى دە كوبەيتتى. اقش تارابى شىعىس ەۋروپداعى ىقتيمال قاقتىعىسقا دايىن بولۋ ءۇشىن 8 مىڭنان استام اسكەردى دايىنداپ قويدى. بۇعان قوسا پرەزيدەنت بايدەن شابۋىل جاسالعان جاعدايدا ۆلاديمير ءپۋتيننىڭ جەكە وزىنە سانكتسيا سالۋدى ويلاستىرىپ جاتقانىن مالىمدەگەن.
رەسەي ۋكرايناعا شابۋىل جاساۋ جوسپارىنىڭ جوق ەكەنىن قايتالاپ وتىر، ءارى جاعدايدى ۋشىقتىرىپ جاتىر دەپ اقش باستاعان باتىس ەلدەرىن كىنالايدى. بۇعان نەگىز دە جوق ەمەس، ەكى كۇن بۇرىن اقش پەن بريتانيا ۋكرايناداعى ەلشىلىك قىزمەتكەرلەرى مەن ولاردىڭ وتباسى مۇشەلەرىن ەۆاكۋاتسيالاي باستادى. كەيبىر ۋكراين ساياساتكەرلەرى بۇل قادام ەلدەگى تۇراقسىزدىق پەن سوعىس قاۋىپىنە دەگەن الاڭداۋشىلىقتى كۇشەيتەدى، ءارى رەسەيدىڭ شەشىم قابىلداۋىنا اسەر ەتەدى دەپ سىنادى.
اقش پرەزيدەنتى جو بايدەننىڭ پايىمداۋىنشا، رەسەي مەن ۋكراينا شەكاراسىندا قاقتىعىس بولعان جاعدايدا ول قازىرگى جاھاندىق جاعدايعا «وراسان زور كەسەپاتىن تيگىزەدى». قازىرگى جاھاندىق جاعدايدان العاندا بۇل بولجامنىڭ راستىعىنا كوز جەتكىزۋ قيىن ەمەس. پاندەميادان كەيىن تۇرالاعان ەكونوميكالىق ءوسىم كوپتەگەن ەلدى ابىگەرگە سالىپ جاتقاندا اۋقىمدى قاقتىعىستىڭ بولۋى دۇنيە ءجۇزى ەلدەرىنە وڭعاي سوقپاسى انىق. رەسەي راسىندا شابۋىل جاساۋعا شەشىم قابىلداسا، ەڭ اۋەلى ەۋروپا ەلدەرىنىڭ ەنەرگيا تارماقتارى قىسپاقتا قالادى. بۇعان جول بەرمەۋ ءۇشىن بايدەن اكىمشىلىگى الەمدەگى ءىرى مۇناي-گاز كومپانيالارىمەن سويلەسىپ جاتقانىن New York Times باسىلىمى جازدى.
دەگەنمەن، اق ءۇي ءباسپاسوز قىزمەتىنىڭ ايتۋىنشا، اقش ناتو-عا جاردەم بەرۋ ءۇشىن اسكەرلەرىن دايىنداپ قويعانىمەن، تىكەلەي ۋكرايناعا اسكەر جونەلتۋ تۋرالى جوسپارىنىڭ جوق.
سوعىس قاۋىپىنە قاتار تاراپتار ديالوگتى دا قارقىندى جۇرگىزىپ جاتقانى بايقالادىن. بۇگىن فرانتسيانىڭ ورتالىق قالاسى پاريجدە رەسەي مەن ۋركينا وكىلدەرى، فرانتسۋز جانە نەمىس وكىلدەرىنىڭ قاتىسۋىمەن كەزدەسۋ وتكىزەدى. بۇل كەزدەسۋدە رەسەيدىڭ ناقتى ماقساتى ايقىندالادى دەگەن بولجامدار دا بار.
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى
ورتالىق ازيا: تاريحي، ساياسي جانە ەكونوميكالىق مۇددەلەر اياسىندا
قىرعىزستاندا تاۋەلسىز Kloop باسىلىمىنىڭ قىرعىز تىلىندەگى سايتى بۇعاتتالدى
رەسەيدىڭ دونەتسك وبلىسى كونستانتينوۆكا قالاسىنداعى بازارعا شابۋىلىنان 16 ادام قازا تاپتى
سادىر جاپاروۆ ىستىقكولدەگى ءتورت پانسيوناتتى وزبەكستانعا بەرۋ سەبەبىن ءتۇسىندىردى
پيگوجيننىڭ «ۆاگنەر» توبى ماسكەۋ تۇبىنە كەلىپ شەگىنىپ كەتتى