Ukrainadağı AQŞ elşiligi. Foto: Ukrinform.

Resey Ukrainağa şabuıl jasauı mümkin degen boljam barğan sayın şındıqqa jaqındap, Şığıs Europadağı jağday şielenisip twrğan twsta, AQŞ Ukrainadağı azamattarın elden şığıp ketuge şaqırdı. Tipti, Ukrainadağı elşilik qızmetkerleriniñ jaqındarın elge qaytuğa bwyırğan. 

AQŞ Memlekettik departamentininiñ resmi mälimdemesinde, Resey Ukrainağa qarata qauipti äskeri äreketter jasap jatqanı eskertilgen. Bwğan qosa el işindegi azamattarına da jaqın arada Ukraina men Reseyge sayahat nemese özge maqsattağı saparlardan bas tartuğa şaqıradı.

Resey bolsa Ukrainağa qarata äskeri basıp kiru josparınıñ joq ekenin, bwnday boljamdar şındıqqa say emes dep keledi. Degenmen, aqparat qwraldarı men äleumettik jelilerde tarağan mälimetterde Reseydiñ özge aymaqtağı äskeri küşteriniñ eldiñ batıs şekarasına jötkelip jatqanı turalı derekter bar.

AFP aqparattıq agenttigine bergen mälimetinde AQŞ-tıñ Ukrainadağı elşiliginiñ qızmetkeri elşilikter jwmısı jalğasa beretinin aytqan. Bılayşa aytqanda Ukrainadağı AQŞ elşiligi jabılmaydı, elşilik qızmetkerleriniñ jaqındarı men özge amerikalıqtarğa elden şığıp ketu eskertilgen.

Aq üy bolsa Resey tarabınan şabuıl kez-kelgen uaqıtta boluı mümkin ekenin aytqan.

The Qazaq Times