Qazaqstannıñ eks prezidenti Nwrswltan Nazarbaevtiñ tuğan inisi Bolat Nazarbaev Bişkektegi «Manas» äuejayınan Dubayğa wşıp ketken. Bwl turalı äleumettik jelide tarqağan qwjatqa süyenip 24.kg qırğız jañalıqtarı habarladı.

2 qañtardan bastalıp soñıra respublika boyınşa ötken beybit şerudiñ soñı 4 qañtardan bastap eldiñ bir qatar iri qalalarında  qarulı qaqtığısqa wlasqan. Qarulanğan lañkester eldiñ strategiyalıq mañızdı nısandarımen basıp alıp, iri sauda orındarın tonağan. Tura sol kezde yağni 6 qañtar tañğı sağat 05:36 da bwrınğı prezidenttiñ tuğan inisi, eldegi eñ auqattı adamdardıñ biri sanalatın Bolat Nazarbaev «Aq-Jol» (Qırğız) — «Qorday» (Qazaq) şekara beketinen kölikpen ötip sol küni Dubay bağınına wşıp ketti delingen.

Alayda, bwl aqparat turalı qwpiyalıqta alğa tartqan Qırğızdıñ UKMK Şekara qızmeti aqparat beruden bas tartqan

Bwğan deyin elde eks prezident Nazarbaevtiñ da elden ketip qalğanı aytılğan. Alayda Nazarbaevtiñ senimdi ökili Aydos Ükibay twitter-degi paraqşasında onıñ Astanada ekendigin jazğan bolatın.

The Qazaq Times