Bügin tañnan beri Jañaözende gaz bağanısınıñ qımbattauına baylanıstı jüzdegen adam äkimdik aldına narazılıqqa şıqtı. Narazı top qalay ortalığındağı joldı jauıp gaz bağasınıñ tömendeuin talap etti. Bwl turalı Azattıq radiosı jazdı.

Bilikten gaz bağasınıñ arzandatudı talap etken jwr talaptarı orındalmasa tarqamaytının oblıs biligi mäseleni şeşe almasa energetika ministrliginen adam keluin talap etti. Gaz bağasınıñ tömendein talap etkenderdiñ işinde kölik jürgizuşiler men birge köligi joq adamdarda bar. Jañaözennen Azattıqqa habarlasqan Serik Baqtıbaywlınıñ aytuınşa 31 jeltoqsanda 100 teñgege satılğan gaz bağası 1 qañtarda 120 teñgege köterilip ketken.

Öz ölkelerinen şığıp jatqan gazdıñ özderine jetpegenine narazı qala twrğınınıñ biri: «Gaz özimizden şığadı. Ol jerde köbimizdiñ ağayın-tuısımız jwmıs isteydi. Solar öndirip otırğan gazdıñ bizge jetpeui aqılğa sıymaydı. Aldımen özimizdi qamtamasız etpey gazdı basqa jaqqa, Reseyge şığarmasın. Gaz bağası eldiñ jalaqısına say bolsın. Bağasın 50 teñgeden asırmasın. – deydi.

Narazı topqa kelgen Jañaözen qalası äkiminiñ mindetin uaqıtşa atqaruşı Ğalım Bayjanov qala äkimi Maqsat Ibağarov qazir kezekti eñbek demalısında ekenin aytıp. Talaptarın qağazğa tüsirip berulerin, onı joğarı jaqqa jetkizetinine uağda etti. Alayda, jinalğandar bwğan deyin de onday qağazdı jıldar boyı jazıp, joldap kele jatqanın, odan eş önim bolmağanın endi talaptarı orındalmayınşa taramaytnın ayttı.

Azattıqtıñ habarlauınşa 2 qañtar tañerteñ bastalğan Jañaözendegi halıq narazılığı äli jalğasıp jatır. Tüsten keyin Mañğıstau öñiriniñ özge audandarında da jwrtşılıq olarğa qoldau bildirgen. Qaraqiya audanındağı Jetibay kenti men Qwrıq auılında, Tüpqarağan audanı Aqşwqır auılında twrğındar jinalıp, Qazaqstan prezidenti Qasım-Jomart Toqaevqa, oblıs äkimi Nwrlan Noğaev pen audan äkimderine videoündeu joldadı. Onda twrğındarğa satılatın swyıtılğan gaz bağasın 50-60 teñgeden asırmaudı talap etude.

Soñğı habarlarda Jañaözende internet jıldamdığı bayaulap, tipti bwğattalğanı aytılıp jatır.