13 jeltoqsan sağat 11:00-de Äl-Farabi atındağı Qazaq Wlttıq universitetiniñ kitaphanasında tarihımızdı jañğırtıp, bügingi künde aqiqatqa aynalğan täuelsizdigimizdiñ 30 jıldığına oray «Täuelsizdigim-tiregim, mäñgiliñdi tiledim» attı studentter men magistranttardıñ şığarmaşılıq körmesi ötti. Saltanattı körmeni wyımdastırğan – jurnalistika fakul'tetiniñ Baspagerlik-redaktorlıq jäne dizaynerlik-öner kafedrası.

Körmeniñ moderatorı bolğan jurnalistika fakul'tetiniñ dekanı, filologiya ğılımdarınıñ kandidatı Sansızbay Mädiev:

«Täuelsizdik bir qarağanda aytuğa da, köruge onay, biraq onıñ qwnı qanşalıqtı ekenin tek tarih qana aytadı. Tarihta osı bir twtam jer üşin ata-babalarımız öziniñ ömirin qidı. Wlttı wl etetin onıñ tili men jeri. Osı ata-babalarımızdıñ ben tilimizdiñ arqasında täuelsizdik künine jetip otırmız. YAğni, biz  älemde, Aziyanıñ kindiginde kök tuımızdı jelbiretken qazaq degen wlt bolıp, osı künge jettik. Onıñ baqıttı wrpaqtarı – sizdersizder. Bizde optimistik dünie jetpey jatadı. Sondıqtan bügingi wrpaq, bügingi buın jarqın bolaşaqqa jaqsı düniemen qarauı kerek. Bügingi körme – plakat janrında alğaş ret aşılıp twrğan körme. Bizdiñ jurnalistika fakul'tetinde öziniñ mamandığın qasterlep, körsetip, QazWU şañırağında bwl körmeniñ alğaş aşıluı öte twtqarlıq dünie. Onı biz alğa qaray damıta tüsemiz» dey otırıp, körmeniñ maqsatı men mazmwnın ayttı.

Bwl körmege kelgen biraz adamdar özderiniñ körmeden alğan äserlerin ortağa saldı. Sonıñ biri Qazaqstan Suretşiler Odağınıñ müşesi, Qazaq öneriniñ qayratkeri, Euraziya şığarmaşılıq mediasınıñ elşisi Mwsabaev Alman qatısuşılarğa şığarmaşılıq tabıs pen şabıt tiledi.

Qazaqstan dizaynerler odağınıñ müşesi, Qazaqstan suretşiler odağı plakat sekciyasınıñ basşısı Saği Aqtanov talanttı suretşilerdiñ eñbekteri bwl körmende öz üylesimin tauıp twrğanın jetkizip,  wyımdastıruşılarğa zor alğısın bildirdi. «Balalar ädebieti» baspasınıñ basşısı, baspager, suretşi Şayzada Baykenova: «Bolaşaqta bizdiñ jwmısımızdı jalğastıratın studentterdiñ salğan suretteriniñ arasında qarippen jasalğan plakattardı bayqadım. Olay jasaytın adamdar öte az. Sondıqtan senderdiñ jasağan eñbekteriñdi qattı wnattım, olarğa keremet degen bağa beremin» dep studentterdiñ on sausağınan şıqqan tuındıların basqalarğa ülgi bolatının nıq senimmen ayttı.

«Biz qanşa körme körip jürmiz. 30 jılda sizderdiñ birinşi ret aşılıp otırğan osınday körmeñiz eşkimnen kem emes. Öte keremet körme, wnadı» dep, Qazaqstan Suretşiler Odağınıñ müşesi, suretşi Bolat Hamzin jılı lebizin bildirdi.

Qazaqstan Suretşiler jäne Teatr qayretkerleri odaqtarınıñ müşesi Meyrambek Äbjatwlı: «Mereke qwttı bolsın. Suret saludı oñay köredi, biraq onıñ artında qanşama eñbek jatır. Bizder qarayğan basımız üşin emes, halqımız üşin eñbek ettik. Sondıqtan tek jazıp, salıp qana qoymay, sonı şığaru kerek» dep, studentter dami bersin degen tilekpen öz sözin ayaqtadı.

Ruhani baylıq älemdi qwtqaradı. Şara barısında eñ erekşe dep tanılğan eki suretşiniñ jwmıstarı boldı. Magistrant Jwmaşeva Jazira men «Dizayn» mamandığınıñ 4 kurs studenti Jwmahmetov Jiger bwl salınğan plakattar men keskindeme suretterdiñ Täuelsizdiktiñ 30 jıldığına arnalğanın aytıp, talanttarın paş etuge keremet mümkindikter berip jatqan kafedrağa alğısın bildirdi.

Qazaqstan Dizayner Odağı men jurnalistika fakul'teti körmege qatısqan suretşilerdi diplommen marapattadı. Jalpı körmede 40-asa tuındılar qoyıldı. Qazaq eliniñ tarihı men mädenieti, bügingi künde bolıp jatqan qwbılıstıñ barlığı osı tuındılar işinde orın taptı.

Kafedra meñgeruşisi Aygül Ramazan: «Täuelsizdikke jetken el de bar, jetpegen el de bar. Jalpı 30 jıl işinde ol Qazaqstanğa köp dünie sıyladı. Sonıñ işinde qazaq öneriniñ şarıqtap, damığan bir twsı dizayn salasınıñ örkendeui. Osınday körmelerdiñ ötip jatuı täuelsizdiktiñ bizge äkelgen jaqsılığı dep esepteymiz. Studentterimizdiñ talanttarı örley bersin. Birinşiden, Qazaqstandağı meyramdardıñ işindegi eñ wlılığı Täuelsizdik meyramına oray aşılğan körmege birkisidey atsalısıp jatqan qonaqtar, studentter men oquşılarğa  alğısımız şeksiz. Ekinşiden, osı mamandıqtıñ aşılıp, onıñ örkeuine üles qosıp jürgen Beysenbek Serikbaev pen Jazira Batırhanovağa erekşe rahmet aytamın. Körmeler jalğastı bolsın, Täuelsizdigimiz är uaqıtta twğırlı  bolsın» dep şaranı korıtındıladı.

Ayjan Hasanova

Äl-Farabi atındağı QazWU, 3-kurs studenti