13 جەلتوقسان ساعات 11:00-دە ءال-فارابي اتىنداعى قازاق ۇلتتىق ۋنيۆەرسيتەتىنىڭ كىتاپحاناسىندا تاريحىمىزدى جاڭعىرتىپ، بۇگىنگى كۇندە اقيقاتقا اينالعان تاۋەلسىزدىگىمىزدىڭ 30 جىلدىعىنا وراي «تاۋەلسىزدىگىم-تىرەگىم، ماڭگىلىڭدى تىلەدىم» اتتى ستۋدەنتتەر مەن ماگيسترانتتاردىڭ شىعارماشىلىق كورمەسى ءوتتى. سالتاناتتى كورمەنى ۇيىمداستىرعان – جۋرناليستيكا فاكۋلتەتىنىڭ باسپاگەرلىك-رەداكتورلىق جانە ديزاينەرلىك-ونەر كافەدراسى.

كورمەنىڭ مودەراتورى بولعان جۋرناليستيكا فاكۋلتەتىنىڭ دەكانى، فيلولوگيا عىلىمدارىنىڭ كانديداتى سانسىزباي ماديەۆ:

«تاۋەلسىزدىك ءبىر قاراعاندا ايتۋعا دا، كورۋگە وناي، بىراق ونىڭ قۇنى قانشالىقتى ەكەنىن تەك تاريح قانا ايتادى. تاريحتا وسى ءبىر تۇتام جەر ءۇشىن اتا-بابالارىمىز ءوزىنىڭ ءومىرىن قيدى. ۇلتتى ۇل ەتەتىن ونىڭ ءتىلى مەن جەرى. وسى اتا-بابالارىمىزدىڭ بەن ءتىلىمىزدىڭ ارقاسىندا تاۋەلسىزدىك كۇنىنە جەتىپ وتىرمىز. ياعني، ءبىز  الەمدە، ازيانىڭ كىندىگىندە كوك تۋىمىزدى جەلبىرەتكەن قازاق دەگەن ۇلت بولىپ، وسى كۇنگە جەتتىك. ونىڭ باقىتتى ۇرپاقتارى – سىزدەرسىزدەر. بىزدە وپتيميستىك دۇنيە جەتپەي جاتادى. سوندىقتان بۇگىنگى ۇرپاق، بۇگىنگى بۋىن جارقىن بولاشاققا جاقسى دۇنيەمەن قاراۋى كەرەك. بۇگىنگى كورمە – پلاكات جانرىندا العاش رەت اشىلىپ تۇرعان كورمە. ءبىزدىڭ جۋرناليستيكا فاكۋلتەتىندە ءوزىنىڭ ماماندىعىن قاستەرلەپ، كورسەتىپ، قازۇۋ شاڭىراعىندا بۇل كورمەنىڭ العاش اشىلۋى وتە تۇتقارلىق دۇنيە. ونى ءبىز العا قاراي دامىتا تۇسەمىز» دەي وتىرىپ، كورمەنىڭ ماقساتى مەن مازمۇنىن ايتتى.

بۇل كورمەگە كەلگەن ءبىراز ادامدار وزدەرىنىڭ كورمەدەن العان اسەرلەرىن ورتاعا سالدى. سونىڭ ءبىرى قازاقستان سۋرەتشىلەر وداعىنىڭ مۇشەسى، قازاق ونەرىنىڭ قايراتكەرى، ەۋرازيا شىعارماشىلىق مەدياسىنىڭ ەلشىسى مۇساباەۆ المان قاتىسۋشىلارعا شىعارماشىلىق تابىس پەن شابىت تىلەدى.

قازاقستان ديزاينەرلەر وداعىنىڭ مۇشەسى، قازاقستان سۋرەتشىلەر وداعى پلاكات سەكتسياسىنىڭ باسشىسى ساعي اقتانوۆ تالانتتى سۋرەتشىلەردىڭ ەڭبەكتەرى بۇل كورمەندە ءوز ۇيلەسىمىن تاۋىپ تۇرعانىن جەتكىزىپ،  ۇيىمداستىرۋشىلارعا زور العىسىن ءبىلدىردى. «بالالار ادەبيەتى» باسپاسىنىڭ باسشىسى، باسپاگەر، سۋرەتشى شايزادا بايكەنوۆا: «بولاشاقتا ءبىزدىڭ جۇمىسىمىزدى جالعاستىراتىن ستۋدەنتتەردىڭ سالعان سۋرەتتەرىنىڭ اراسىندا قارىپپەن جاسالعان پلاكاتتاردى بايقادىم. ولاي جاسايتىن ادامدار وتە از. سوندىقتان سەندەردىڭ جاساعان ەڭبەكتەرىڭدى قاتتى ۇناتتىم، ولارعا كەرەمەت دەگەن باعا بەرەمىن» دەپ ستۋدەنتتەردىڭ ون ساۋساعىنان شىققان تۋىندىلارىن باسقالارعا ۇلگى بولاتىنىن نىق سەنىممەن ايتتى.

«ءبىز قانشا كورمە كورىپ ءجۇرمىز. 30 جىلدا سىزدەردىڭ ءبىرىنشى رەت اشىلىپ وتىرعان وسىنداي كورمەڭىز ەشكىمنەن كەم ەمەس. وتە كەرەمەت كورمە، ۇنادى» دەپ، قازاقستان سۋرەتشىلەر وداعىنىڭ مۇشەسى، سۋرەتشى بولات حامزين جىلى لەبىزىن ءبىلدىردى.

قازاقستان سۋرەتشىلەر جانە تەاتر قايرەتكەرلەرى وداقتارىنىڭ مۇشەسى مەيرامبەك ءابجاتۇلى: «مەرەكە قۇتتى بولسىن. سۋرەت سالۋدى وڭاي كورەدى، بىراق ونىڭ ارتىندا قانشاما ەڭبەك جاتىر. بىزدەر قارايعان باسىمىز ءۇشىن ەمەس، حالقىمىز ءۇشىن ەڭبەك ەتتىك. سوندىقتان تەك جازىپ، سالىپ قانا قويماي، سونى شىعارۋ كەرەك» دەپ، ستۋدەنتتەر دامي بەرسىن دەگەن تىلەكپەن ءوز ءسوزىن اياقتادى.

رۋحاني بايلىق الەمدى قۇتقارادى. شارا بارىسىندا ەڭ ەرەكشە دەپ تانىلعان ەكى سۋرەتشىنىڭ جۇمىستارى بولدى. ماگيسترانت جۇماشەۆا جازيرا مەن «ديزاين» ماماندىعىنىڭ 4 كۋرس ستۋدەنتى جۇماحمەتوۆ جىگەر بۇل سالىنعان پلاكاتتار مەن كەسكىندەمە سۋرەتتەردىڭ تاۋەلسىزدىكتىڭ 30 جىلدىعىنا ارنالعانىن ايتىپ، تالانتتارىن پاش ەتۋگە كەرەمەت مۇمكىندىكتەر بەرىپ جاتقان كافەدراعا العىسىن ءبىلدىردى.

قازاقستان ديزاينەر وداعى مەن جۋرناليستيكا فاكۋلتەتى كورمەگە قاتىسقان سۋرەتشىلەردى ديپلوممەن ماراپاتتادى. جالپى كورمەدە 40-اسا تۋىندىلار قويىلدى. قازاق ەلىنىڭ تاريحى مەن مادەنيەتى، بۇگىنگى كۇندە بولىپ جاتقان قۇبىلىستىڭ بارلىعى وسى تۋىندىلار ىشىندە ورىن تاپتى.

كافەدرا مەڭگەرۋشىسى ايگۇل رامازان: «تاۋەلسىزدىككە جەتكەن ەل دە بار، جەتپەگەن ەل دە بار. جالپى 30 جىل ىشىندە ول قازاقستانعا كوپ دۇنيە سىيلادى. سونىڭ ىشىندە قازاق ونەرىنىڭ شارىقتاپ، دامىعان ءبىر تۇسى ديزاين سالاسىنىڭ وركەندەۋى. وسىنداي كورمەلەردىڭ ءوتىپ جاتۋى تاۋەلسىزدىكتىڭ بىزگە اكەلگەن جاقسىلىعى دەپ ەسەپتەيمىز. ستۋدەنتتەرىمىزدىڭ تالانتتارى ورلەي بەرسىن. بىرىنشىدەن، قازاقستانداعى مەيرامداردىڭ ىشىندەگى ەڭ ۇلىلىعى تاۋەلسىزدىك مەيرامىنا وراي اشىلعان كورمەگە بىركىسىدەي اتسالىسىپ جاتقان قوناقتار، ستۋدەنتتەر مەن وقۋشىلارعا  العىسىمىز شەكسىز. ەكىنشىدەن، وسى ماماندىقتىڭ اشىلىپ، ونىڭ وركەۋىنە ۇلەس قوسىپ جۇرگەن بەيسەنبەك سەرىكباەۆ پەن جازيرا باتىرحانوۆاعا ەرەكشە راحمەت ايتامىن. كورمەلەر جالعاستى بولسىن، تاۋەلسىزدىگىمىز ءار ۋاقىتتا تۇعىرلى  بولسىن» دەپ شارانى كورىتىندىلادى.

ايجان حاسانوۆا

ءال-فارابي اتىنداعى قازۇۋ، 3-كۋرس ستۋدەنتى