Foto: informbyuro
Almatı oblsın 7 jıl boyı basqarıp, qanşa uağda etsede audan atın özgerte almay ketken Batalovtıñ ornına endli bwrıeğı energetika ministri Qanat Bozımbaev keldi. Oblıs basına kelgen jaña basşıdan jergilikti jwrt pen qatar el aldınğağı azamattarda audan atın özgertu mäselesin köterip jatır. Osı orayda atalmış audannıñ qwrmetti azamatı, Q.R. Bilim salasıñ ardageri, Audandıq mäslihat deputatı, "Wrpaq parızı" qoğamdıq birlestiginiñ törağası Jänet Kerimqwlovtıñ FB-dağı jazbasın wsınıp otırmız.
Qwrmetti Qanat Aldabergenwlı!
Oblısımızğa basqan qadamıñız qwttı bolsın!
Bizdiñ audanğa at basın bwra qalğan jağdayda aldıñızdan şığatın alğaşqı swraq: Audannıñ "Wyğır" atın "Qaradala" dep, özgertu jayında bolatınına imanımız kämil.
Iä, bwl özgeris ne üşin qajet?
- Äueli, sonau Saqtardan qalğan saltımızdıñ saltanat qwruı üşin;
- ekinşiden, Ğwndardan qalğan ğwrpımızdıñ ğwmırlı boluı üşin;
- üşinşiden Üysinnen mwra ürdistiñ ükilenui üşin;
- törtinşi, Türkiden twmar tegimizdiñ tegeurindiligi üşin;
- besinşi, küni keşegi Alaş arıstarınıñ armandarın Aqiqatqa aynaldıru üşin, eñ bastısı tarihi ädilettiliktiñ jüzege asuı üşin qajet.
- Qaradala twrğındarınıñ bolaşaqtağı kikiljiñsiz ömir sürui üşin qajet.
- Jas wrpaqtıñ sanası jat piğılmen lastanbauı üşin kerek.
- Tatulıqqa tayaq laqtırğısı keletinderdiñ auızdarına qwm qwyu üşin qajet.
- Qorday qaqtığısınıñ qaytalanbauı üşin qajet.
- Penjim oqiğasınıñ orın almauı üşin qajet.
- Elimizdiñ eñseli, erimizdiñ belsendi, jerimizdiñ jemisti, wrpağımızdıñ kelisti boluı üşin qajet.
Audanımızda bwğan qarsı bolatın pende joq. Bwl iske qarsı bolu Qazaq eliniñ TÄUELSİZDİGİN, EGEMENDİGİN moyındamau degen söz.
Onday jat piğıldı adamdarğa bizdiñ memleketimizde orın joq!
Meniñşe, bwl iste biliktiñ bir ğana batıl qadamı jetedi.
- Ozbır orıstıñ 300 jıldıq qwldığınan, swrqiya Sovettiñ-70 jıldıq jendettiginen qwtılğan Täuelsizdiginiñ 30-jıldıq torqalı toyın jerimizdiñ tarihi atauı QARADALA-men qarsı ala almasaq onıñ nesi TÄUELSİZDİK?
Qadirli Qanat Aldabergenwlı!
Osı wlt ruhın jañğırtatın kieli de qasietti missiyanı, tarihi Aqiqattı jüzege asıru üşin Alla-Tağala bizdiñ oblıstıñ tizginin sizge wstatqanına senimdimin.
Jänet Kerimqwlov, Audannıñ qwrmetti azamatı,
Q.R. Bilim salasıñ ardageri, Audandıq mäslihat deputatı,
"Wrpaq parızı" qoğamdıq birlestiginiñ törağası