فوتو: ينفورمبيۋرو
الماتى وبلسىن 7 جىل بويى باسقارىپ، قانشا ۋاعدا ەتسەدە اۋدان اتىن وزگەرتە الماي كەتكەن باتالوۆتىڭ ورنىنا ەندلى بۇرىەعى ەنەرگەتيكا ءمينيسترى قانات بوزىمباەۆ كەلدى. وبلىس باسىنا كەلگەن جاڭا باسشىدان جەرگىلىكتى جۇرت پەن قاتار ەل الدىنعاعى ازاماتتاردا اۋدان اتىن وزگەرتۋ ماسەلەسىن كوتەرىپ جاتىر. وسى ورايدا اتالمىش اۋداننىڭ قۇرمەتتى ازاماتى، ق.ر. ءبىلىم سالاسىڭ ارداگەرى، اۋداندىق ءماسليحات دەپۋتاتى، "ۇرپاق پارىزى" قوعامدىق بىرلەستىگىنىڭ توراعاسى جانەت كەرىمقۇلوۆتىڭ فب-داعى جازباسىن ۇسىنىپ وتىرمىز.
قۇرمەتتى قانات الدابەرگەنۇلى!
وبلىسىمىزعا باسقان قادامىڭىز قۇتتى بولسىن!
ءبىزدىڭ اۋدانعا ات باسىن بۇرا قالعان جاعدايدا الدىڭىزدان شىعاتىن العاشقى سۇراق: اۋداننىڭ "ۇيعىر" اتىن "قارادالا" دەپ، وزگەرتۋ جايىندا بولاتىنىنا يمانىمىز كامىل.
ءيا، بۇل وزگەرىس نە ءۇشىن قاجەت؟
- اۋەلى، سوناۋ ساقتاردان قالعان سالتىمىزدىڭ سالتانات قۇرۋى ءۇشىن;
- ەكىنشىدەن، عۇنداردان قالعان عۇرپىمىزدىڭ عۇمىرلى بولۋى ءۇشىن;
- ۇشىنشىدەن ۇيسىننەن مۇرا ءۇردىستىڭ ۇكىلەنۋى ءۇشىن;
- ءتورتىنشى، تۇركىدەن تۇمار تەگىمىزدىڭ تەگەۋرىندىلىگى ءۇشىن;
- بەسىنشى، كۇنى كەشەگى الاش ارىستارىنىڭ ارماندارىن اقيقاتقا اينالدىرۋ ءۇشىن، ەڭ باستىسى تاريحي ادىلەتتىلىكتىڭ جۇزەگە اسۋى ءۇشىن قاجەت.
- قارادالا تۇرعىندارىنىڭ بولاشاقتاعى كيكىلجىڭسىز ءومىر ءسۇرۋى ءۇشىن قاجەت.
- جاس ۇرپاقتىڭ ساناسى جات پيعىلمەن لاستانباۋى ءۇشىن كەرەك.
- تاتۋلىققا تاياق لاقتىرعىسى كەلەتىندەردىڭ اۋىزدارىنا قۇم قۇيۋ ءۇشىن قاجەت.
- قورداي قاقتىعىسىنىڭ قايتالانباۋى ءۇشىن قاجەت.
- پەنجىم وقيعاسىنىڭ ورىن الماۋى ءۇشىن قاجەت.
- ەلىمىزدىڭ ەڭسەلى، ەرىمىزدىڭ بەلسەندى، جەرىمىزدىڭ جەمىستى، ۇرپاعىمىزدىڭ كەلىستى بولۋى ءۇشىن قاجەت.
اۋدانىمىزدا بۇعان قارسى بولاتىن پەندە جوق. بۇل ىسكە قارسى بولۋ قازاق ەلىنىڭ تاۋەلسىزدىگىن، ەگەمەندىگىن مويىنداماۋ دەگەن ءسوز.
ونداي جات پيعىلدى ادامدارعا ءبىزدىڭ مەملەكەتىمىزدە ورىن جوق!
مەنىڭشە، بۇل ىستە بيلىكتىڭ ءبىر عانا باتىل قادامى جەتەدى.
- وزبىر ورىستىڭ 300 جىلدىق قۇلدىعىنان، سۇرقيا سوۆەتتىڭ-70 جىلدىق جەندەتتىگىنەن قۇتىلعان تاۋەلسىزدىگىنىڭ 30-جىلدىق تورقالى تويىن جەرىمىزدىڭ تاريحي اتاۋى قارادالا-مەن قارسى الا الماساق ونىڭ نەسى تاۋەلسىزدىك؟
قادىرلى قانات الدابەرگەنۇلى!
وسى ۇلت رۋحىن جاڭعىرتاتىن كيەلى دە قاسيەتتى ميسسيانى، تاريحي اقيقاتتى جۇزەگە اسىرۋ ءۇشىن اللا-تاعالا ءبىزدىڭ وبلىستىڭ تىزگىنىن سىزگە ۇستاتقانىنا سەنىمدىمىن.
جانەت كەرىمقۇلوۆ, اۋداننىڭ قۇرمەتتى ازاماتى،
ق.ر. ءبىلىم سالاسىڭ ارداگەرى، اۋداندىق ءماسليحات دەپۋتاتى،
"ۇرپاق پارىزى" قوعامدىق بىرلەستىگىنىڭ توراعاسى