Wzaq jıldar qwqıq qorğauşı qızmetinde jürgen Baqıtjan Töreğojina Almatı qalasında özi wyımdastırğan mitingide söylep twr. 31 qazan 2020 jıl. Foto: Azattıq radiosı / Petr Trocenko

Almatı qalasınıñ äkimdigi qwqıq qorğauşılarğa beybit jiın ötkizuge tağı da rwqsat bermedi. Prezident Toqaevtıñ «eş rwqsattıñ keregi joq», miting wyımdastıru tärtibi boyınşa jergilikti bilikti qwlaqtandıru jetkilikti degen uäjine qaramastan, «Ar. Ruh. Haq» qoğamdıq qorınıñ kezekti ötinişi qanağattandırılmağan.

Seysenbi, 16 qaraşada «Ar. Ruh. Haq» qoğamdıq qorınıñ jetekşisi, qwqıq qorğauşı Baqıtjan Töreğojina Facebook jelisindegi jeke paraqşasında äkimdiktiñ montaj-jöndeu jwmıstarın alğa tartıp, rwqsat beruden bas tartılğanın jazdı. Resmi jauapqa qalalıq qoğamdıq damu basqarması jetekşisiniñ orınbasarı A.Esenbekov qol qoyğan.

Baqıtjan Töreğojinanıñ aytuınşa, äkimdiktegiler olarğa 11 jeltoqsannıñ ornına 27 qaraşada miting ötkizudi wsınğan. Qwqıq qorğauşılar bas tartqan. Bwğan deyin olar şeru ötkizuge rwqsat bermegen äkimdikti sotqa bergen edi. Alğaşqı otırıs 17 qaraşada ötui tiis.

«Illyuziyağa berilmeymiz, şeşimdi sotqa berip, qaulısın alğannan keyin bwl elde zañ da, qisın da, Konstituciya da, prezident söziniñ de salmağı joq. Adam qwqığın eşkim saqtığısı kelmeydi» dep jazdı qwqıq qorğauşı (Azattıq radiosınıñ audarma nwsqasında berildi).

Ötinim beruşiler kezekti tıyımğa baylanıstı tağı da sotqa şağım tüsiretinin ayttı. Osımen äkimdik bir ayğa juıq işinde qwqıq qorğauşı Baqıtjan Töreğojina men Liberty qorınıñ jetekşisi Ğalım Ağeleuovke şeru ötkizuge ekinşi ret rwqsat bermey otır. Olar soñğı ret 8 qaraşada hat tapsırıp, 11 jeltoqsanda Mahatma Gandi alañınan bastap, Şevçenko köşesiniñ boyımen jürip, Şoqan Uälihanov alañına deyin 4 sağat şeru ötkizetinin habarlağan. Miting taqırıbın «Barlığınıñ qwqıqtarı men erkindigi saqtalsın!», «Diskriminaciyağa jol joq!» dep körsetken.

Qazaqstanda bilikşil taraptar «sayasi reformanıñ körinisi» retinde jii maqtaytın miting turalı zañ bıltır köktemde pandemiyanıñ alasapıran kezinde asığıs qabıldanğan. Prezident Toqaev «miting ötkizu aytarlıqtay jeñildedi» degenimen, jergilikti bilikter belsendilerdiñ köp ötinişin orındamay, türli sebepti sıltauratıp, rwqsat bermeydi. Al mwnday sankciyalanbağan jiındarğa kelgender ädette wstalıp, äkimşilik jauapqa tartıladı. Halıqaralıq qwqıq qorğau wyımdarı Qazaqstan biligin pandemiyanı öz ıñğayına qoldanıp, adam qwqığın şekteuge köşkenin qattı sınap, adam haqı deklaraciyasındağı mindetterdi orındauğa şaqırğan.

The Qazaq Times