Bayden men Şi arasındağı kezdesu. 6 jıl bwrın. Foto: Financial Times

Uaşington uaqıtımen düysenbiniñ keşinde, AQŞ prezidenti Jo Bayden men Qıtay basşısı Şi Jinpiñ onlayn formatta betpe-bet kezdesedi. Bwl virtual'dı jüzdesude qatañ bäsekelestik qarım-qatınasındağı AQŞ pen Qıtaydıñ bäselestik äreketteriniñ şarttarı talqılanbaq. Biraq, köptegen sarapşılar bwl kezdesude Beyjiñ men Uaşington arasındağı kelispeuşilikter şeşilip ketpeydi dep sanaydı.

AQŞ resmileri de kezekti onlayn söylesude şielenisterdiñ şeşiluinen ümiti az. Onı ötken apta soñındağı Aq üydiñ resmi mälimdemesinen de añğaruğa boladı. Aq üydiñ resmi ökili Şaki jwma küngi mälimdemesinde: «Liderler tek eki el arasındağı bäsekelestikti jauapkerşilikpen basqaru joldarın jäne säykes müddeler kezinde ıntımaqtastıq jasau joldarın talqılaydı», – dedi. Onıñ aytuınşa söylesu barısında Bayden AQŞ-tıñ maqsat-tilegin, basımdıqtarı men müddesin anıqtay aytıp, Qıtağa qatıstı alañdauşılıqtarın aşıq ortağa salmaq.

Jaña derjava retinde Qıtay öziniñ älemdegi ekonomikalıq, äskeri jäne sayasi ıqpalın barğan sayın keñeytudi közdep keledi. Al, AQŞ bolsa Qıtaydı öziniñ bastı strategiyalıq qarsılası retinde qarastıradı. Osınday bäsekelestik qatınastan kelip şıqqan qayşılıqtar eki el qarım-qatınasın kürdeli deñgeyge köterdi. El liderleri bet jıltısıp, aşıq söylespese endigi qayşılıq teke-tireske, onıñ arı jağı qaqtığıs qaupine bastauı da bek mümkin. Sondıqtan onlayn kezdesu aldında taraptar bir-birine degen keybir qatañ mämilelerin keyinge siırıp, sözderin jwmsattı.

Uaşington men Beyjiñniñ bir-birine säl de bolsa jol beriskeni Glazgodağı sammittiñ soñğı künderinde körine bastadı. Kütpegen jerlen eki el ziyandı gaz şığarındıların azaytu, osığan wqsas klimat mäselelerinde twraqtı ıntımaqtastıqqa küş salatındarın bildiristi. Söytetin de jöni bar, Qıtay men AQŞ älemde atmosferağa kömirqışqıl gazın eñ köp şığaratn el sanaladı.

Al, bizdiñ uaqıtpen erteñ tañ säride bolatın onlayn sammit turalı sarapşılar pikiri aluan türli. Sonıñ bir parası, Bayden men Şi twraqtılıqqa, ıntımaqtastıqqa wmtıluğa da, qajet bolsa bäsekelestik pen teke-tires qatınasqa ötuge de dayın twrğanın aytadı.

Qalay bolsasın Beyjiñ men Uaşington ortasındağı bäsekelestik qatınas wzaq uaqıtqa jalğasarı anıq. Bwnıñ qatarında Gonkong pen Şıñjañdağı adam qwqığına qatıstı qayşılıqtar, sauda soğısı, keme qatınası erkindigi jäne Beyjiñniñ Oñtüstik Qıtay teñizi men Tayuan bwğazındağı äskeri küşterin arttıru siyaqtı mäseleler jaqın arada şeşim taba qoymaq emes.

The Qazaq Times