Foto: glob-news.com

"Taliban" qozğalısınıñ äskeri Kabuldağı mitingini tüsirip jatqan jurnalisterge şabuıl jasadı.
21 qazanda 20-ğa juıq äyel bas qalanıñ köşelerinde qwqıqtarın talap etip narazılıq akciyasına şıqtı. Olar "Jwmıs, nan jäne bilim" dep wrandap twrdı. Bwl turalı Ortalıq Aziya jañalıqtar qızmeti jazdı.
Köp ötpey tälip äskeriniñ biri oqiğanı tüsirip jatqan şeteldik jurnalisti qaruımen iterip jibergen. Tağı bir jurnalistke qol salğanın "Franc-press" agenttigi jazdı.
Aqparatqa qarağanda, eki jurnalist jaraqat alğan.
"Tälipter äyelderdi de, şeteldik, jergilikti jurnalisterdi de sıylamaydı", - dedi akciyanı wyımdastıruşılardıñ biri Zahra Muhammadi.
Äzirge "Taliban" qozğalısı bwl oqiğa turalı tüsinikteme bermedi.
Auğanstan biligine kelgen "Taliban" qozğalısı äyelder qwqığı şariğatqa baylanıstı qaralatının mälimdegen.
Qazir Auğanstandağı 34 provinciyanıñ beseuinde ğana qızdarğa orta mektepke baruğa rwqsat berilgen. Äyelderdiñ köpşiligine jwmısqa baruğa tıyım salınğan.

The Qazaq Times