تالىپتەر كابۋلدە جۋرناليستەرگە شابۋىل جاسادى

"تاليبان" قوزعالىسىنىڭ اسكەرى كابۋلداعى ميتينگىنى ءتۇسىرىپ جاتقان جۋرناليستەرگە شابۋىل جاسادى.
21 قازاندا 20-عا جۋىق ايەل باس قالانىڭ كوشەلەرىندە قۇقىقتارىن تالاپ ەتىپ نارازىلىق اكتسياسىنا شىقتى. ولار "جۇمىس، نان جانە ءبىلىم" دەپ ۇرانداپ تۇردى. بۇل تۋرالى ورتالىق ازيا جاڭالىقتار قىزمەتى جازدى.
كوپ وتپەي ءتالىپ اسكەرىنىڭ ءبىرى وقيعانى ءتۇسىرىپ جاتقان شەتەلدىك ءجۋرناليستى قارۋىمەن يتەرىپ جىبەرگەن. تاعى ءبىر جۋرناليستكە قول سالعانىن "فرانتس-پرەسس" اگەنتتىگى جازدى.
اقپاراتقا قاراعاندا، ەكى جۋرناليست جاراقات العان.
"تالىپتەر ايەلدەردى دە، شەتەلدىك، جەرگىلىكتى جۋرناليستەردى دە سىيلامايدى", - دەدى اكتسيانى ۇيىمداستىرۋشىلاردىڭ ءبىرى زاحرا مۋحاممادي.
ازىرگە "تاليبان" قوزعالىسى بۇل وقيعا تۋرالى تۇسىنىكتەمە بەرمەدى.
اۋعانستان بيلىگىنە كەلگەن "تاليبان" قوزعالىسى ايەلدەر قۇقىعى شاريعاتقا بايلانىستى قارالاتىنىن مالىمدەگەن.
قازىر اۋعانستانداعى 34 پروۆينتسيانىڭ بەسەۋىندە عانا قىزدارعا ورتا مەكتەپكە بارۋعا رۇقسات بەرىلگەن. ايەلدەردىڭ كوپشىلىگىنە جۇمىسقا بارۋعا تىيىم سالىنعان.

The Qazaq Times