بەلگىلى سپورتشى-شەنەۋنىك سەرىك ساپيەۆ مادەنيەت جانە سپورت مينيسترلىگىنىڭ قاراماعىنداعى سپورت جانە دەنە شىنىقتىرۋ ىستەرى كوميتەتىنىڭ توراعاسى قىزمەتىنەن كەتتى.
اقپاراتتى مينيسترلىكتىڭ ءباسپاسوز قىزمەتى راستادى. ۆەدومستۆو ونىڭ «ءوز ەركىمەن بوساتىلعانىن» حابارلاعان.
العاشىندا چەمپيون بوكسشى رەتىندە تانىلعان ساپيەۆ ءماجىلىس دەپۋتاتى بولىپ كورگەن، كەيىننەن ۆەدومستۆو كوميتەتىن باسقارعان. سوڭعى لاۋازىمىنا 2019 جىلعى قاڭتار ايىندا تاعايىندالعان. سونىمەن قوسا، بۇعان دەيىن «Astana Arlans» پسك جشس باس ديرەكتورى، 2013-2014 جىلدارى قازاقستان بوكس فەدەراتسياسىنىڭ سپورت ديرەكتورى بولىپ جۇمىس ىستەگەن.
سەرىك ساپيەۆ – بوكستان 2012 جىلعى وليمپيادا چەمپيونى، ەكى دۇركىن الەم چەمپيونى (2005, 2007 جىلدارى), قر ەڭبەك سىڭىرگەن سپورت شەبەرى. بيىلعى توكيو وليمپياداسىندا قازاق بوكسىنىڭ ادەتىنەن جاڭىلىپ، جەڭىلىسكە ۇشىراۋىنان كەيىن ۇلتتىق قۇراما جاتتىقتىرۋشىسى قاتارىندا قوعام سىنىنا ىلىككەن.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى