"Şañıraq isi" boyınşa 15 jıldan beri türmede otırğan dissident-aqın Aron Atabek bostandıqqa şıqtı. Bwl aqparattı Sud.kz saytı habarladı. 

Aron Atabektiñ qazir naqtı qayda ekeni belgisiz. Sud.kz saytındağı habarlamağa qarağanda, 1 qazanında Pavlodar qalası №2 sotı Aron Atabekti merziminen bwrın bosatuğa ükim etken.

Resmi aqparat boyınşa, Aron Atabek emdelmeytin auruğa - «M50.0. Omırtqanıñ moyın böligi omırtqaaralıq diskisiniñ mielopatiyasımen zaqımdaluı (G99.2).  M50.1. Jwlınnıñ moyın bölimi deñgeyindegi degenerativti-demielinizirleuşi auruı şaldıqqan.

«Zañ talaptarına säykes, (QK-tiñ 75 babınıñ 2 böligi), ömir boyına bas bostandığınan ayırudan basqa, jazanı öteuge kedergi jasaytın auır nauqastan zardap şeguşi adamdı sot jazanı öteuden bosatadı nemese nauqasınıñ sipatı, jasalğan qılmıstıq qwqıq bwzuşılıqtıñ auırlığı, sottalğan adamnıñ jeke bası jäne basqa da män-jaylar eskerile otırıp, jaza neğwrlım jeñil jaza türimen auıstırıluı mümkin. Zañda bayandalğan män-jaylar men processke qatısuşılardıñ pikirin eskerip, sottalğan twlğağa bostandığın şekteu jazası 1 jıl merzimine probaciyalıq baqılau ornatu men mindetterdi jükteuine auıstırıldı" delingen Sud.kz saytındağı habarlamada.

The Qazaq Times