«Köz aldımızda solıp baradı». Jarılıstan keyin reanimaciyağa tüsken äskeridiñ tuıstarı astanadan kömek swraydı

Jambıl oblısı Bayzaq audanındağı №28349 äskeri böliminde bolğan joyqın jarılıstan jaraqattanğan jüz şaqtı adamnıñ işinde qazir jağdayı eñ auırı – bölim bastığı kapitan Erlan Qırğızälievtiñ tuıstarı astana därigerleriniñ kelip kömektesuin swraydı.

Denesin 85%-ın küyik şalğan äri apat saldarınan ekijaqtı pnevmoniyağa şaldıqqan äskeri qızmetkerdiñ ahualı auır. Qırğızälievtiñ häline alañdağan jaqındarı tötenşe jağday turalı äleumettik jelide twraqtı türde aqparat taratıp otırğan jurnalist Irina Sovetjanqızına hat jazıp, jağdaydı bayandağan.

«Qan qısımı twraqsız, jağdayın künnen-künge naşarlap, ömir men ölimniñ arasında jantalasıp jatqan bauırımızdı qarauğa astanadan, sırttan bilikti därigerler şaqırılsın. Telearnadan «mıqtı mamandardı tarttıq» dep esep berip jatqanımen, şın mäninde jergilikti därigerler ğana qarap jatır. Bizge onlayn kömek emes, elordadan arnayı apparattarımen bilikti därigerlerdi Tarazğa aldıruın talap etemiz», – delingen hatta.

QT redakciyası jarılıs kezinde japa şekken kapitannıñ jaqındarına habarlasıp kördi. Sırqattıñ äpkesi Sanduğaş Rısqwlbekqızı tilşige bauırınıñ densaulığı men ömirine qattı alañdap otırğanın aytadı. Oqiğa ornında jaralanğan kapitan qazir Taraz qalasındağı №1 auruhananıñ jansaqtau böliminde häl üstinde jatır.

– Qosımşa därigerlerdi şaqırtıñızdar degen uäjimizge olar kelgende ne isteydi, onlayn bärin bilip twr deydi. Skype arqılı baylanısıp otır eken. Sanaviciyamen tasımaldauğa jaramay twr. Alğaşında üş künge tiispeymiz dedi. Sodan keyin ğana közin aşıp, su swrağan. Sol kezde beti beri qaradı dep oylap quanğan edik. İşki organdarı qattı zaqımdalğan. Qazir kişi däretiniñ özi jürmey jatır. Söyley almaydı. Qasındağı bes jigittiñ törteui qaytıs boldı. Endi ekijaqtı pnevmoniya qosılıptı. Qarap jatqan däriger YUn Vladimirge artar eş ökpe, alğıstan basqa aytarımız joq. Biraq därigerge kömek kerek, jalğız özi jügirip jür. Biz astanadan arnayı salalıq käsibi biligi joğarı mamandar kelip qarasa eken deymiz, jağdayı auır jalğız pacientke kömektespese, Ükimetten ne payda? Onlayn emes, kelip qarasın. Qazir memleket, eñ bastısı, bir üydiñ arqasüyerin ayaqqa twrğızıp beruge barın salsın! – deydi aşınğan äpkesi.

Sanduğaş Qırğızälievanıñ aytuınşa, bauırınıñ tört balası bar, aldı 13, kenjesi 2,5 jasta. Bayzaq audanı Sarıkemer eldi mekeninde twradı. Osığan tayau Qaynar auılınıñ tübindegi äskeri bölimge bıltır ğana qızmetke ornalasqan. Oğan deyin Aqtau qalasında kelisimşart negizinde 5 jıl äskeri qızmette bolğan. Jarılıstan keyin kapitannıñ otbasına eşkim habarlaspağan. «Tek törtinşi küni tüngi 00.00-de okrug äkimdiginen qoñırau şalıp, jeke kuäliginiñ fotosın swrattı» deydi. Erlannıñ anası bwğan qattı ızalanıp, mazası qaşqan.

Jambıl obılsındağı äskeri qoymada bolğan joyqın jarılıstan japa şekkenderdiñ basım böligi jetkizilgen Taraz qalasınıñ köpsalalı auruhanası. 31 tamız 2021 jıl. Foto: QT / Kültegin Aspanwlı

Redakciya tilşisi Densaulıq saqtau ministrligi men oblıstıq Densaulıq saqtau basqarmasına jağdaydıñ män-jayın swrap habarlasıp kördi. Vedomstvo sırqattıñ häli boyınşa bergen resmi aqparatında äzirge onlayn konsiliummen şektelip otırğanın rastadı.

Auruhana äkimşiligi zardap şekken nauqas Erlan Qırğızälievtiñ şwğıl türde «aralas jaraqat» diagnozımen jansaqtau bölimine jatqızıldı. 3 därejeli şok, küyik auruı, deneniñ tügeldey 1-2-3 därejeli termiyalıq küyik şalıp, teri jabınınıñ 85%-ı küygen, 1-2 därejeli tınıs joldarınıñ küyigi. Bas, moyın, magistral'dıñ jäne eki ayaq birneşe ret jaraqattanğan. Jabıq bas süyek-mi jaraqatın alıp, bas miı şayqalğan. Kontuziyağa qosa kon'yunktivanıñ termiyalıq küyigine şaldıqqan, tağı qabaqtıñ eroziyası bar. Medicinalıq kömektiñ mwnday törtinşi deñgeyine tasımaldau mümkin emes. Auruhanağa tüsken kezden bastap medicinalıq kömek reanimatolog, travmatolog, kombustiolog, neyrohirurg, lor-därigeri, terapevt, oftal'molog, nefrolog-efferentolog mamandarınıñ mul'tidisciplinarlıq tobımen jüzege asırıladı, – delingen resmi jauapta .

Naqtıraq aytqanda, oblıstıñ jetekşi mamandarınıñ qatısuımen künine eki ret konsilium ötedi jäne bekitilgen hattamağa say emdeu jalğasıp jatır deydi. Pacientke ul'trafil'traciyamen gemofil'traciya jürgizilgen.

Basqarma pacientti emdeu nwsqauı «eldegi bilikti mamandar – medicina ğılımdarınıñ doktorı B. Jarqınbaevpen jäne medicina ğılımdarınıñ doktorı G. Ağıbaevpen kündelikti telemedicina seanstarında WŞMÜO jäne WTO ĞZI ortalığımen (Wlttıq şwğıl medicinanı üylestiru ortalığı jäne Wlttıq Travmatologiya jäne ortopediya ğılımi zertteu institutı) kelisiledi» dep habarladı.

Auruhananıñ bas därigeri Nwrlan Äbildaev QT redakciyasına bergen jauabında jağday Densaulıq saqtau ministrligi men oblıstağı basqarmanıñ baqılauında ekenin ayttı. Onıñ sözinşe, Respublikalıq sanitariyalıq aviaciya ortalığına reanimatolog, kombustiolog, efferentologtıñ kündizgi konsul'taciyası turalı ötinim berilgen.

Bilik 26 tamızda Jambıl oblısında äskeri qoymadan şıqqan alapat ört pen jarılıstan qaza tapqandardıñ bir böligin marapattap ülgerdi. Al özge marqwmdar men zardap şekken qauipsizdik-äskeri qızmetkerlerge naqtı qanday sıy-kömek berileri äzirge belgisiz.

The Qazaq Times