Kqrneki suret. Qazaqstan mektepterinde alğaşqı qoñırau soğıldı. Foto: aşıq derekköz

Qazaqstan oquşıları pandemiyanıñ ekinşi oqu jılında mektepke barıp bilim aladı.

Büginnen bastap jaña oqu jılınıñ bastaluına oray alğaşqı qoñırau soğılıp, respublikadağı 7,4 mıñ mektepte 3,6 mln oquşı dästürli formatta sabaq oquğa köşti. Onıñ arasında 394 mıñğa juıq oquşı mektep tabaldırığın alğaş ret attap twr. Bıltır bwl körsetkiş 380 mıñ büldirşin bolğan. Sonımen qosa, 2021-2022 oqu jılınıñ ayağında 165 mıñnan asa tülek mektep qabırğasınan «tauday» bolıp tülep wşpaq.

Sarapşılar aralas, negizinen onlayn formatta ötken 2020 jäne 2021 jıldarı oquşılardıñ oqu ülgerimi eleuli deñgeyde naşarlap, psihologiyalıq tosın jağdayğa duşar bolğanın jii köterdi. Orta bilim beru salasında – mektep mañızın ata-ana, oquşı jäne mwğalim üştigi äbden sezingendey boldı. Degenmen indettiñ törtinşi tolqını barısında, künine 4-5 mıñ nauqas tirkelip jatqan twsta balasınıñ densaulığına alañdaytın jwrt ta az emes. Ükimet barlıq algoritm jasaqtalğanın, bilim salasında auru taratpas üşin bar amal qarastırğanın alğa tartıp, kez kelgen jağdayğa dayın ekenin aytadı.

Bilim jäne ğılım ministri Ashat Aymağambetov bilim beru wyımdarında oqu jılı «qatañ sanitarlıq talaptardı saqtay otırıp» wyımdastırılatınına senimdi.

«Balalar öz mektepterin, dostarı men sınıptastarın, al mwğalimderimiz oquşıların sağındı. Barlığı mektepterdiñ aşıluın asığa kütti.

Älemdik pandemiya bilim beru ürdisindegi mwğalimniñ bağa jetpes rölin ayqınday tüsti. Atap aytsaq, mwğalimniñ käsibiligi, täjiribesi, balağa degen süyispenşiligi men oquşınıñ ömirindegi atqaratın röli ayqındaldı. Älbette, mwğalimder gadjet ekrandarı arqılı emes, balalarmen tikeley baylanısta bola otırıp beretin bilimdi zamanaui tehnologiyalarmen salıstıru qiın.

...Jaña oqu jılı ärbir oquşı, student, mwğalim jäne oqıtuşı, jalpı bilim beru salasına qatısı bar ärbir adam üşin qızıqtı äri paydalı boluın tileymin», – deydi ministr öz qwttıqtauında.

The Qazaq Times