27 tamızda Taraz äuejayına bortında Auğanstannan evakuaciyalanğan azamattarı bar AQŞ wşağı qonuğa tiis bolğan. Bwl aqparattı AQŞ memlekettik departamentindegi qwpiya äri senimdi derekközine süyengen Orda.kz saytı habarladı.

Basılım mälimetinşe, Auğanstannan wşıp kele jatqan AQŞ wşağı Taraz äuejayına ayaldap, janarmay qwyudı josparlağan.

"AQŞ memlekettik departamenti wşaq Taraz äuejayına qonğan soñ arnayı alğıs aytatın bolğan. Baspasöz mätini de dayın edi" delingen Orda.kz maqalasında.

Maqala avtorı Gülnar Bajkenova "Qazaqstan Auğanstannan wşıp kele jatqan amerikalıq wşaqtardı janarmay qwyuğa qabıldauğa kelisim berdi, biraq bwl aqparat resmi taratılmadı" deydi.

Ol maqalasında "AQŞ memlekettik departamentiniñ spikeri Ned Prays Auğanstan bosqındarı otırğan wşaqtardıñ tranzitine rwqsat bergen elderdiñ qatarında Qazaqstandı da atap ötkenin, biraq naqtılamağının" keltirgen.

"AQŞ wşağı aldımen 26 tamız küni tañerteñ qonadı dep kütildi. Sodan keyin wşıp kelu 27 tamızğa auıstırıldı, biraq 26 tamız küni keşke Jambıl oblısı Bayzaq audanında ornalasqan äskeri bölimdegi qoymadan ört şığıp, on şaqtı jarılıs boldı. Nätijesinde AQŞ wşağı Qazaqstanğa ayaldamay, basqa bağıtpen ketti" dep jazdı Orda.kz saytı.

26 tamız keşkisin Jambıl oblısı Bayzaq audanında ornalasqan äskeri bölimi aumağındağı oq-däri saqtalatın qoymada jarılıs boldı. Tötenşe jağdaylar ministrliginiñ mälimetinşe, jarılıstan 12 adam qaza tauıp, 98 adam zardap şekken. Eki adam habar-oşarsız ketkenin.

The Qazaq Times